இயேசு ஞானஸ்நானம் பெற்றார்

ஜனங்களை இயேசு கிறிஸ்துவின் வருகைக்கு தயார்படுத்த தேவன் யோவானை அழைத்தார். யோவான், ஜனங்கள் மனந்திரும்பவும் ஞானஸ்நானம் பெறவும் போதித்தான். ஜனங்கள் அவரை யோவான் ஸ்நானன் என்று அழைத்தனர்.

மத்தேயு 3:1-12

யோவான் ஒரு வல்லமைமிக்க போதகர் ஆவார். பலர் யோவானின் போதனையை கேட்டு, ஞானஸ்நானம் பெற வந்தார்கள். ஒரு நாள், இயேசு ஞானஸ்நானம் பெற வந்தார்.

மத்தேயு 3:5, 13

இயேசு எப்போதும் தேவனுக்குக் கீழ்ப்படிந்தார் என்பது யோவானுக்குத் தெரியும். அவர் மனந்திரும்ப வேண்டிய அவசியமில்லை. இயேசுவுக்கு ஞானஸ்நானம் கொடுக்க வேண்டும் என்று யோவான் நினைக்கவில்லை. இயேசு தான் தனக்கு ஞானஸ்நானம் கொடுக்க வேண்டும் என்று யோவான் எண்ணினான்!

மத்தேயு 3:14

இயேசு தாமும் ஞானஸ்நானம் பெற வேண்டும் என்று கூறினார். அவர் தம்முடைய பிதாவின் கட்டளைகள் அனைத்தையும் கடைப்பிடிக்க விரும்பினார். அவர் நமக்கு ஒரு முன்மாதிரியாகவும் இருக்க விரும்பினார். யோவான் அவருக்கு ஞானஸ்நானம் கொடுத்தார்.

மத்தேயு 3:13–15; 2 நேபி 31:5–7

இயேசு தண்ணீரிலிருந்து வெளியே வந்த பிறகு, பரிசுத்த ஆவியானவர் புறாவைப் போல அவர் மீது இறங்கினார். பரலோக பிதா பரலோகத்திலிருந்து கூறியதாவது, “இவர் என்னுடைய நேசகுமாரன்.” பரலோக பிதா இயேசுவால் மிகவும் மகிழ்ந்தார்.

மத்தேயு 3:16-17