இயேசு தம் ஊழியத்தைப் பற்றி சாட்சியமளித்தல்

இயேசு அவருடைய குடும்பத்தாரும் நண்பர்களும் வாழ்ந்த நாசரேத்துக்குப் போனார். அது அவர் வளர்ந்த இடம். ஓய்வுநாளில், அவர் ஜெப ஆலயத்திற்குச் சென்றார், அங்கு ஜனங்கள் வேதவாக்கியங்களைப் படித்து தேவனை தொழுதுகொள்ளச் சென்றனர்.

லூக்கா 4:16-17

ஜெப ஆலயத்தில், இயேசு நின்றுகொண்டு ஏசாயா தீர்க்கதரிசியின் வேதவாக்கியத்தை வாசித்தார். ஒரு நாள் இரட்சகர் ஒருவர் வருவார் என்று வேதவாக்கியம் சொன்னது. அவர் ஏழைகளுக்கு சுவிசேஷத்தைப் பிரசங்கித்து, நொறுங்கிய இருதயங்களைக் குணப்படுத்துவார். அவர் பார்வையற்றவர்களுக்கும் காயமடைந்தவர்களுக்கும் உதவுவார்.

ஏசாயா 61:1-2; லூக்கா 4:17–19

இயேசு வாசித்து முடித்துவிட்டு அமர்ந்தார். எல்லோரும் அவரையே பார்த்துக் கொண்டிருந்தார்கள். அவர் வாசித்த வேதவாக்கியம் அன்றே நிறைவேறியதாக அவர்களிடம் கூறினார். அவரே இரட்சகர்.

லூக்கா 4:21

இயேசு சொன்னதைக் கேட்டு நாசரேத்து ஜனங்கள் மிகவும் ஆச்சரியப்பட்டார்கள். இயேசு எப்படி இரட்சகராக இருக்க முடியும்? அவர்கள் அவரை மரியாள் மற்றும் யோசேப்பின் மகனாகவே எண்ணினர்; அவர் தேவனுடைய குமாரன் என்பதை அறியவில்லை. அவர்களுக்கு, அவர் ஒரு சாதாரண மனிதராகவே தோன்றினார்.

லூக்கா 4:22

அவரே இரட்சகர் என்பதை நிரூபிக்க ஜனங்கள் அவர் ஒரு அற்புதத்தைச் செய்ய விரும்புவதை இயேசு அறிந்திருந்தார். அவர் போதித்தது என்னவென்றால், அதிசயங்கள் என்பது விசுவாசம் உடையவர்களுக்கே; மேலும், சில நேரங்களில் இஸ்ரவேல் ஜனங்கள் அல்லாதவர்களுக்கும் தேவன் அதிசயங்களைச் செய்தார், ஏனெனில் அவர்களுக்கு அதிகமான விசுவாசம் இருந்தது. ஜெப ஆலயத்தில் இருந்த சிலர் இயேசுவின் மீது கோபமடைந்தனர்.

லூக்கா 4:23-28

அவரை ஊருக்குப் புறம்பே தள்ளி, மலையின் சிகரத்திற்கு இழுத்துச் சென்றார்கள். அவரை மலையிலிருந்து தள்ளிவிட விரும்பினர்.

லூக்கா 4:28-29

ஆனால் இயேசு கோபமடைந்த ஜனங்களிடமிருந்து கடந்து சென்றார்.

லூக்கா 4:30

அவர் நாசரேத்தில் இருக்க அவர்கள் விரும்பாததால், இயேசு வேறொரு ஊருக்குப் போதிக்கச் சென்றார்.

லூக்கா 4:31-32