பெதஸ்தா குளத்தில் இயேசு

எருசலேமில், பெதஸ்தா குளம் என்று ஒரு இடம் இருந்தது. இந்த குளத்திற்கு குணப்படுத்தும் வல்லமைகள் இருப்பதாக ஜனங்கள் நம்பினர். நோய்வாய்ப்பட்டவர்கள், பார்வையற்றவர்கள், அல்லது நடக்க முடியாதவர்கள் பலர் இந்தக் குளத்திற்கு வந்தார்கள்.

யோவான் 5:2–3

சில சமயங்களில், ஒரு தூதன் இறங்கி வந்து குளத்தின் தண்ணீரைக் கலக்குவதாக மக்கள் நம்பினர். தண்ணீர் கலக்கப்பட்ட பிறகு முதலில் அதில் இறங்குபவர்களுக்கு எந்த நோய் இருந்தாலும் அது குணமாகும். பலர் குளத்தில் முதலாவதாக இருக்க முயன்றனர்.

யோவான் 5:4

குளத்தில் இருந்தவர்களில் ஒருவன் நடக்க முடியாத ஒரு மனுஷன். அவன் 38 வருடங்களாக நோய்வாய்ப்பட்டிருந்தான். அவன் குணமடைய குளத்தில் இறங்க விரும்பினான், ஆனால் அவன் முயற்சிக்கும்போதெல்லாம், வேறு யாராவது முதலில் உள்ளே இறங்கிவிடுவார்கள்

யோவான் 5:5–7

ஒரு ஓய்வு நாளில், இயேசு எருசலேமில் இருந்தார். அவர் பட்டணத்தின் வழியாக நடந்து செல்லும்போது, பெதஸ்தா குளத்திற்கு வந்தார், அங்கே அந்த மனுஷன் படுத்திருப்பதைக் கண்டார்.

யோவான் 5:6

அந்த மனுஷன் நீண்ட காலமாக நோய்வாய்ப்பட்டிருந்தான் என்றும் நடக்க முடியவில்லை என்பதையும் இயேசு அறிந்திருந்தார். இயேசு அந்த மனுஷனிடம் அவனுக்கு குணமடைய விருப்பமா என்று கேட்டார்.

யோவான் 5:6

அந்த மனுஷன் இயேசுவிடம், தன்னைக் குளத்தில் இறக்கிவிட யாரும் உதவவில்லை என்றும், தண்ணீர் கலங்கும்போது, மற்றவர்கள் எப்போதும் தனக்கு முன்பாக உள்ளே இறங்கிவிடுவார்கள் என்றும் கூறினான்.

யோவான் 5:7

இயேசு அந்த மனுஷனை நோக்கி, “எழுந்திரு, உன் படுக்கையை எடுத்துக்கொண்டு நட” என்றார். உடனடியாக, அந்த மனுஷன் குணமடைந்தான்! பின்னர் அவன் எழுந்து நின்று தனது படுக்கையை எடுத்தான். 38 வருடங்களில் முதல் முறையாக, அவனால் நடக்க முடிந்தது!

யோவான் 5:8–9

யூதர்களின் தலைவர்கள் அந்த மனுஷன் தன் படுக்கையைச் சுமந்து செல்வதைப் பார்த்தார்கள். அவன் ஓய்வு நாளை மதிக்கவில்லை என்று அவர்கள் சொன்னார்கள், ஏனென்றால் அவனுடைய படுக்கையைச் சுமப்பது வேலை செய்வது போன்றது என்று அவர்கள் நினைத்தார்கள். அந்த மனுஷனோ தான் இப்போதுதான் குணமடைந்ததாகவும், அவனைக் குணப்படுத்தியவர் அவனுடைய படுக்கையைச் சுமக்கச் சொன்னதாகவும்.விளக்கினான்.

யோவான் 5:10–11

அந்த மனுஷனைக் குணப்படுத்தியவர் இயேசுதான் என்றும், ஓய்வுநாளில் அவன் படுக்கையைத் தூக்கிச் செல்லும்படி சொன்னவர் இயேசுதான் என்றும் தலைவர்கள் கண்டுபிடித்தனர். அவர்கள் இயேசுவின் மீது கோபமடைந்து அவரைக் கொல்ல விரும்பினர். இயேசு அவர்களிடம், பரலோகத்திலுள்ள தம்முடைய பிதா தனக்குக் கற்றுக்கொடுத்த காரியங்களை மட்டுமே தாம் செய்வதாகக் கூறினார்.

யோவான் 5:15–17