வந்து பாருங்கள்

பிலிப்பு என்ற பெயரைக்கொண்ட மனுஷன் இயேசுவைப் பின்பற்றியவர்களில் ஒருவனாக இருந்தான். இயேசுவே இரட்சகர் என்பதை அவன் அறிந்திருந்தான். பிலிப்பு, தன் நண்பனான நாத்தான்வேலும் இயேசுவைப் பற்றி அறிய வேண்டும் என்று விரும்பினான்.

யோவான் 1:43-45

வேதம் கூறுவது போல, தேவன் ஒரு இரட்சகரை அனுப்புவார் என்பதை நாத்தான்வேல் அறிந்திருந்தான். பிலிப்பு அவனிடம் தான் இரட்சகரைக் கண்டுபிடித்ததாகக் கூறினான்—அவர் பெயர் இயேசு, நாசரேத்தைச் சேர்ந்தவர்.

யோவான் 1:45

முதலில் நாத்தான்வேல் அவனை நம்பவில்லை. இரட்சகர் நாசரேத்திலிருந்து வரக்கூடும் என்று நாத்தான்வேல் நினைக்கவில்லை. “நாசரேத்திலிருந்து யாதொரு நன்மை உண்டாகக்கூடுமா?” என்று அவன் கேட்டான். அதற்குப் பிலிப்பு, “வந்து பார்”, என்றான்.

யோவான் 1:46

இயேசுவைச் சந்திக்க நாத்தான்வேல் பிலிப்புவுடன் சென்றான். அவர்கள் வருவதை இயேசு பார்த்தபோது, நாத்தான்வேல் ஒரு கபடற்ற உத்தமன் என்று கூறினார். நாத்தான்வேல் ஆச்சரியப்பட்டான். அவன் இதற்கு முன்பு இயேசுவை ஒருபோதும் சந்தித்ததில்லை. இயேசு அவனை எப்படி அறிந்தார்?

யோவான் 1:47-48

இயேசு நாத்தான்வேலிடம், பிலிப்பு அவனை அழைக்கிறதற்கு முன்பே, தான் அவனை அத்தி மரத்தின் கீழ் அமர்ந்திருந்ததைக் கண்டதாகக் கூறினார்.

யோவான் 1:48

இயேசு தேவனுடைய குமாரன் என்பதை நாத்தான்வேல் இப்போது அறிந்தான். இயேசு நாத்தான்வேலிடம், தூதர்கள் பரலோகத்திலிருந்து வருவது போல, பெரிய காரியங்களைக் காண்பான் என்று சொன்னார்—இவை அனைத்தும் அவனுடைய விசுவாசத்தினாலேயே ஆகும்.

யோவான் 1:49-51