Ena Lako Tale Mai o Jisu Karisito—Na raivotu ni vakanuinui nei Joni me baleti Jisu Karisito

iVakatakila

Ena Lako Tale Mai o Jisu Karisito.

Na raivotu ni vakanuinui nei Joni me baleti Jisu Karisito

A raica na iApositolo o Joni e dua na raivotu digitaki. A raici Jisu Karisito, ka vakaraitaka vei Joni e vuqa na ka me baleta na veigauna sa oti kei na veisiga ni mataka. A kaya vei Joni me vola na veika a raica. Sa kila tu o Jisu ni ra sa tovolea tiko na Yalododonu ena nodra igu taucoko mera muri Koya. E vinakata o Jisu me tu vei ira na inuinui ni kaukauwa cake sara o Koya mai na ca e vuravura.

Ai Vakatakila 1:1–2, 9–11, 13–15, 19; 2–3

Na Tamada Vakalomalagi taqa toka na Ligana ena tabai Jisu Karisito.

Ena nona raivotu, a raica kina o Joni e dua na ivola ka sega ni dua e dolava rawa. Qai raica o Joni e dua na lami ka matataki Jisu Karisito; Sa rawa vua me dolava na ivola. A vulica o Joni ni se bera ni buli ko vuravura, sa digitaki Jisu na Tamada Vakalomalagi me noda iVakabula. Oqo na tiki bibi duadua ni ituvatuva ni Kalou, ia o Jisu duadua ga ena rawa ni cakava.

Ai Vakatakila 5

O Setani kei na dua na ilawalawa gone vakayalo era sa biuti lomalagi.

A raica talega o Joni e dua na drekoni ka matataki Setani. E sega ni taleitaka o Setani na ituvatuva ni Kalou. A tekivuna o koya e dua na ivalu mai lomalagi. E vuqa vei ira na luvena vakayalo na Tamada Vakalomalagi era vakabauti Jisu Karisito ka ra digitaka me ra muri Koya. Ia eso vei ira era a digitaka me ra muri Setani. Ena vuku ni nodra digidigi, era sa biuti lomalagi kina.

iVakatakila 12:3–11

E dua na iyaloyalo cokovata era vakaraitaki kina na sotia era tayabe tiko, o ira era vakaleqai tu, kei na dausiga.

A raica o Joni nio Setani kei ira na nona ilawalawa era sa veivala tikoga kei Jisu kei ira na Nona ilawalawa e vuravura. Era tovolea me ra lawakitaki ira na tamata me ra kakua ni vakabauta na kosipeli ni iVakabula. E levu na ivalu, veivakarusai, kei na tauvimate.

Ai Vakatakila 6; 8–9; 12:17; 13:11–18; 17–18

Sa veidusimaki tiko o Josefa Simici na agilosi o Moronai ki na peleti koula.

Ia na Tamada Vakalomalagi a tala mai na agilosi mai lomalagi kei na kosipeli i Jisu Karisito, me rawa ni wasei vata kei ira na tamata kecega e vuravura.

Ai Vakatakila 14:6–7

Eso na tamata era na vakabauti Jisu ka talairawarawa kina Nona ivunau, me vaka era cakava mai lomalagi. Na nodra ivakadinadina kei Jisu ena vukei ira me ra qaqa ena ivalu mai vei Setani.

Ai Vakatakila 12:11; 19:8–10

Sa siro sobu mai lomalagi o Jisu, kei ira na agilosi e dakuna.

A raica o Joni ni na lako tale mai ki vuravura o Jisu Karisito. O Koya ena Tui ni vuravura taucoko. Ena sega tale ni dua na kaukauwa e tiko vei Setani. Ena vukui Jisu, ena sega tale na rarawa se na mosi. O ira kece na tamata era vakabauti Jisu ka maroroya na veiyalayalati vata kei Koya era na bula vata kei Koya kei na Tamada Vakalomalagi me tawamudu.

Ai Vakatakila 19:11–16; 20:1–2; 21:1–7