Vakararavi vei Jisu Karisito me baleta na Veivakabulai

Era a lewena na Lotu i Jisu Karisito na tamata mai na vuqa na veivanua duidui. Era vakatokai na lewe ni Lotu mera Yalododonu.

Roma 1:7

Eso vei ira na Yalododonu era Jiu era se muria tiko ga na lawa i Mosese. So tale e sega. Era a sega ni duavata tiko kevaka me ra muria na lawa i Mosese.

Roma 2:14–15, 23–29

Sa kila tu o Paula ni tu vei ira na Yalododonu na veitaro oqo. A volavola vei ira na Yalododonu e Roma. A tukuna vei ira ni sega ni dua e rawa ni vakabulai ena nona tovolea tiko me muria na lawa i Mosese. O keda kece eda ivalavala ca, a vakamacalataka o koya. Me vakabulai, ena gadreva na tamata kecega me vakabauti Jisu Karisito ka muri Koya.

Roma 3:20–23

A vakavulica o Paula ni Kalou e talai Jisu Karisito me mai colata o Koya na noda ivalavala ca. Ena vuku i Jisu Karisito, sa rawa vei keda kece me da veivutuni ka vosoti na noda ivalavala ca.

Roma 3:24-31

A vakavulica o Paula ni o Jisu Karisito e solia vei keda na isolisoli ni veivosoti kei na kaukauwa meda caka vinaka kina. Na isolisoli ni loloma oqo e vakatokai na loloma soliwale i Jisu Karisito, ka vakasinaiti keda ena inuinui kei na reki. E kaya o Paula ni gauna eda papitaiso kina, me vakataki Jisu, sa vaka ni da tekivutaka e dua na bula vou vaka daumuri Jisu.

Roma 5:1–11; 6:3–6