Vakabula o Jisu e Dua na Tamata Ka Sega ni Lako Rawa Tu

E vuqa na tamata era a vinakata mera rogoci Jisu ni veivakavulici. Ena dua na siga a veivakavulici tiko o Koya ena dua na vale ka sinai tu ena tamata.

Marika 2:1–2

E va na tamata eratou a lako mai i vale vata kei na dua na itokani ka sega ni lako rawa tu. E ratou colati koya mai ena dua na imocemoce. E ratou vinakata me kauta mai na nodratou itokani vei Jisu, ia a osodrigi sara na vale, eratou sega ni rawa ni curu kina.

Marika 2:3–4

Ka ratou a mani colati nodratou itokani ki na dela ni vale. Eratou a basuka tani e dua na tiki ni delanivale ka tukuca sobu na nodratou itokani ena nona imocemoce kina loma ni vale, ena kedra lomadonu na lewevuqa, e matai Jisu.

Marika 2:4

Ni sa raica o Jisu na nodratou vakabauta, sa kaya vua sa sega ni lako rawa, “Na luvequ, sa bokoci na nomu ivalavala ca.”

Marika 2:5

Eso na iliuliu ni Jiu, ni ra rogoca oqo, era a yalorarawa. Era nanuma ni Kalou duadua ga e rawa ni vosota na ivalavala ca.

Marika 2:6–7

A kila vinaka tu o Jisu na veika era veinanuyaka tiko. Me vukei ira mera kila ni tu Vua na kaukauwa me vosota na ivalavala ca, a vakayacora o Koya e dua na cakamana. A tukuna vua na tamata oya sa sega ni lako rawa, “Mo tucake, ka kauta na nomu imocemoce, ka lako kina nomu vale.” A tucake na tamata oqo ka taubale! Era a kurabui kece na tamata ka vakavinavinaka vua na Kalou.

Marika 2:8–12