Era Liutaka na Nona Lotu na iApositolo nei Jisu

Ni sa lesu o Jisu vei Tamana mai Lomalagi, era sa iliuliu ni Lotu o ira na iApositolo. Rau a vakavulica na kosipeli ni iVakabula, sureti ira na tamata mera lewena na Nona Lotu, ka cakava e vuqa na cakacaka mana ena kaukauwa ni Kalou. A yalataka o Jisu me vukei ira ena nona tala mai na Yalo Tabu.

Cakacaka 1:8–13; 2:41–47

Baleta ni sa mate o Jutasa, e tinikadua ga na iApositolo. Era masuta na iApositolo me ra kila se o cei e vinakata na Kalou me sosomitaki Jutasa ka me dua na ivakadinadina kilai tani i Jisu Karisito. A digitaka na Kalou e dua na tamata na yacana o Maciu. A yaco okoya me dua vei ira na iApositolo Le Tinikarua.

Cakacaka 1:15–26

Ena dua na vakacagicagi digitaki vaka-Jiu, era a tiko vata e Jerusalemi na tisaipeli. Vakasauri, sa vaka e dua na cagi mai lomalagi e vakatawana na vale. Eratou raica na rarama me vaka na bukawaqa ni sa toka vei ira, ka sa vakasinaiti ena Yalo Tabu. Ena vuku ni Yalo Tabu, sa rawa ni ra vosa ena so tale na vosa.

Cakacaka 2:1–4

Ni ra sa rogoca na tamata e Jerusalemi na ka oqo, era sa soqoni vata mai e dua na lewevuqa. E dina ga ni ra duidui vosa na tamata mai na vuqa na vanua ka ra vosataka na veivosa duidui, era sa rogoca yadua na ka era tukuna na iApositolo ena nona vosa ga. Era sa kurabui na tamata.

Cakacaka 2:5–13

A tucake o Pita ka vosa vei ira na tamata. A tukuna vei ira me baleti Jisu Karisito. A wasea na nona ivakadinadina ni o Jisu na iVakabula ka sa tucaketale.

Cakacaka 2:14–36

Ni ra rogoca oqo na tamata, era vakila ni gadreva me ra veisau. Era tarogi ira na Apositolo se cava me ra cakava.

Cakacaka 2:37

Sa qai kaya ko Pita, “Dou veivutuni, ka papitaisotaki, koi kemudou yadua ena yaca i Jisu Karisito, me bokoci kina na nomudou ivalavala ca, ka dou na rawata na Yalo Tabu mei solisoli.” Rauta ni 3,000 na tamata era a papitaiso ka lewena na Lotu ena siga o ya.

Cakacaka 2:38–43

Ni oti o ya, rau sa gole o Pita kei Joni ki na valetabu. E rau raica e dua na tamata ka sega ni taubale rawa. E dau dabe e kea e veisiga, ka kere ilavo vei ira na tamata.

Cakacaka 3:1–2

Sa kere ilavo vei rau o Pita kei Joni na turaga oqo. A tu vakadua ka raici koya mai. A kaya o Pita, “Raici keirau.”

Cakacaka 3:3–4

A kaya o Pita ni sega vei ira na siliva se koula. Ia e tiko e dua na ka vinaka cake. “Ena yaca i Jisu Karisito mai Nasareci,” e kaya o koya, “tucake ka lako.” A vukei koya o Pita me tucake. Ena imatai ni gauna ena nona bula, sa rawa vua na tamata oqo me taubale. Ena levu ni nona marau a rika ka taubale yani ki na valetabu vata kei Pita kei Joni.

Cakacaka 3:6–8

Era sa kurabui na tamata. Sa qai kaya vei iratou o Pita ni sega ni nona kaukauwa se kaukauwa nei Joni me vakabula na tamata o ya. A vakabulai o Koya ena kaukauwa i Jisu Karisito kei na nona vakabauti Koya. Sa tukuna vei ira o Pita me ra veivutuni ka vakabauti Jisu.

Cakacaka 3:9–26

Eso vei ira na iliuliu ni Jiu era sega ni taleitaka na veika rau vakavulica tiko o Pita kei Joni. Era kaya ni sega ni dua e vakatarai me vakavulica na veika baleti Jisu.

Cakacaka 3:4:1–18

Rau a kaya o Pita kei Joni ni rau na talairawarawa vua na Kalou, ka vinakata na Kalou me tukuna vei ira na tamata na veika erau kila baleti Jisu Karisito.

Cakacaka 4:19–20

Eratou a vakavulica tikoga na iApositolo ena kaukauwa levu na kosipeli ni iVakabula. Era a lewena na Nona Lotu e vuqa tale na tamata. Era a vakasinaiti ena Yalotabu. Era veilomani ka wasea na veika kece. Era volitaka na ka e tu vei ira ka solia na ilavo vei iratou na iApositolo me ratou solia vei ira na dravudravua.

Cakacaka 4:31–37