Na Vosa Vakatautauvata ni Taledi—Vakayagataka vakavinaka na ka e solia vei keda na Kalou

Maciu 25:14–30

Na Vosa Vakatautauvata ni Taledi

Vakayagataka vakavinaka na ka e solia vei keda na Kalou

E tukuna o Jisu edua na vosa vakatautauvata me baleta edua na tagane kei ira na nona tamata.

Ni gadrevi me vakavulici na matanitu ni Kalou, a tukuna kina o Jisu edua na vosa vakatautauvata. Ena vosa vakatautauvata, a vakavakarau tiko e dua na tamata me lako kina dua na vanua vakayawa sara. Ni bera ni biubiu, a sota kei na tolu na nona tamata ka kerei iratou me ratou qarauna na nona ilavo ni gole.

Maciu 25:14

Sa solia na tamata oqo na taledi kivei ira yadua na nona tamata.

A solia yadua vei ira na nona tamata edua na iwase ni ilavo levu ka vakatokai na taledi. A solia vua edua na tamata e lima na taledi. A solia vua edua tale na tamata e rua na taledi. Ka sa solia vua na iotioti ni tamata edua na taledi. A sa qai biubiu ena nona ilakolako.

Maciu 25:15

Edua na tamata a rawata e lima tale na taledi.

Na tamata ka ciqoma e lima na taledi a cakacaka vakaukaua. A vakayagataka o koya na taledi me rawata kina e lima tale.

Maciu 25:16

Edua na tamata a rawata e rua tale na taledi.

Na tamata ka ciqoma e rua na taledi a cakacaka vakaukaua. A vakayagataka o koya na taledi me rawata kina e rua tale.

Maciu 25:17

Na tamata ka ciqoma edua na taledi a kelia e dua na qara ka buluta na taledi ena qele.

Maciu 25:18

Sa lesu mai na turaga mai na nona ilakolako.

Ni oti edua na gauna, a lesu tale mai na turaga oqo mai na nona ilakolako. A vinakata me kila na veika eratou a cakava na tamata ena taledi e a solia vei iratou o koya.

Maciu 25:19

Sa marautaki rau na imatai ni rua na tamata na turaga oqo.

Na tamata ka ciqoma e lima na taledi kei na tamata ka ciqoma erua na taledi rau a tukuna vua na nodrau turaga na sala erau a vakaruataka tale kina na veika erau rawata ena gauna a lako tu kina. A sa marau na nodrau turaga. A kaya o koya ena vuku ni nodrau yalodina, ena nuitaki rau ena levu tale na ka merau qarauna. A tukuna vei rau me rau marau.

Maciu 25:20–23

Na ikatolu ni tamata a kaya ni a buluta na nona taledi.

Na tamata a ciqoma edua na taledi a tukuna vua na nona turaga ni a rere, ka ma ni buluta kina e loma ni qele na nona taledi. A solia lesu na taledi vua na nona turaga.

Maciu 25:24–25

E sega ni marautaka na turaga oqo na nona tamata.

A sega ni marautaka na turaga oqo na nona tamata. A kaya o koya ni dodonu vua na nona tamata me vakayagataka na ka a soli vua me rawata mai kina eso tale na taledi. A solia na turaga na taledi vua na tamata ka tini na nona taledi. A vinakata na turaga vei iratou na nona tamata mera vakayagataka na taledi a solia vei iratou me vukea na tarai cake ni nona matanitu.

Maciu 25:26–29