Na Vosa Vakatautauvata ni Goneyalewa e Lewe Tini—Vakarau kina lesu tale mai i Jisu

Maciu 25:1–13

Na Vosa Vakatautauvata ni Goneyalewa e Lewe Tini

Vakarau kina lesu tale mai i Jisu

Era tarogi Jisu na Nona tisaipeli se na gauna cava ena lesu mai kina o Koya.

Eratou a kila na tisaipeli i Jisu ni na dua na siga, ni oti Nona lesu tale vua na Tamana, ko Jisu ena lesu tale mai ki vuravura. Era a tarogi Koya se ratou na kila vakacava na gauna ena lesu tale mai kina ko Koya. Eratou a vinakata me vakavakarautaki iratou tu vei Koya. Me sauma vei iratou, a tukuna kina o Jisu edua na vosa vakatautauvata.

Maciu 24:3

E tini na yalewa eratou gole tiko kina dua na vakamau.

Ena vosa vakatautauvata, e tini na yalewa era a gole tiko kina dua na vakawati. A caka na vakamau ena bogi, ka ratou a mani kauta kina yalewa na cina kei na waiwai me vakararamataka nodratou sala. E lewe lima vei iratou na yalewa eratou a vuku ka kauta mai e levu na waiwai. O iratou na lewe lima na kena vo eratou a lialia ka sega ni kauta mai eso tale na waiwai.

Maciu 25:1–4

Eratou a moce na yalewa ni ratou waraka tiko na tagane me mai vakawati.

Eratou a waraka tiko na goneyalewa na nodratou yaco mai na tagane me mai vakawati kei iratou na nona ilawalawa. Ia ea taura edua na gauna balavu na tagane me mai vakawati. Eratou a moce kece, ni ratou a wawa tiko.

Maciu 25:5

Edua e kaya ni sa qai yaco mai na tagane sa qai vakawati.

Ena lomaloma ni bogi, edua a kailavaka ni sa qai tadu mai na tagane sa qai vakawati! Sa gauna meratou tomani koya kina na goneyalewa kina kana magiti ni vakamau.

Maciu 25:6

E lima na goneyalewa a rawa meratou waqaca na nodratou cina. E lima tale na goneyalewa a sega na nodratou waiwai.

Eratou a laveta cake kece na goneyalewa na nodratou cina me rarama kina nodratou gaunisala. Ia o iratou na lewe lima na goneyalewa ka ratou sega ni kauta tale mai eso na waiwai a sega vei iratou na rarama. A vakayagataki oti na nodratou waiwai ni ratou waraka tiko na tagane sa qai vakawati.

Maciu 25:7–8

O iratou na goneyalewa ka sega na nodratou waiwai eratou a lai volia mai eso tale.

O iratou na lewe lima ka sega na nodratou waiwai a kerei iratou na kena vo me wasea na nodratou. Ia a sega ni veirauti na waiwai me wasei. O iratou na lewe lima ka sega na nodratou waiwai eratou a lako vakatotolo me volia mai eso.

Maciu 25:8–9

Sa yaco mai na tagane sa qai vakawati ka vosa vei iratou na lewe lima na goneyalewa ka sa vakarau tu.

Ni ratou sa gole tu, sa tadu mai na tagane sa qai vakawati! O iratou na goneyalewa ka vakarau tu eratou a gole vata kei koya kina kana magiti ni vakawati.

Maciu 25:10

O iratou na goneyalewa ka lako me laki voli waiwai eratou a sega ni curu rawa kina soqo ni vakamau.

Ni ratou lesu mai na vo ni goneyalewa, a sa sogo tu na katuba. Eratou a tukituki e katuba ka kerea na tagane sa qai vakawati me vakacurumi iratou ki loma. Ia sa bera. Eratou a sega ni curu rawa kina kana magiti ni vakamau.

Maciu 25:11–12

O Jisu e vakavulici ira na daumuri Koya mera vakarau tu ni lesu tale mai o Koya.

O Jisu e vaka na tagane sa qai vakawati ena vosa vakatautauvata. E sega ni dua e kila na gauna ena lesu tale mai kina o Koya. Na Tamada Vakalomalagi duadua ga e kila o ya. Sa qai tukuna o Jisu vei ira na daumuri Koya mera vakarau tu me vakataki iratou na goneyalewa ka ratou a kauta mai eso tale na waiwai. O ira na tamata era talairawarawa ki na ivakaro ni Turaga ka muria na Yalo era na vakarau tu ni lesu tale mai o Jisu Karisito.

Maciu 24:36; 25:13; Vunau kei na Veiyalayalati 45:56–57