Na ivola mai vei Jemesa—Na veisureti ni talairawarawa, sega ni rogoca walega, na vosa ni Kalou

Jemesa 1-3

Na iVola mai vei Jemesa

Na veisureti ni talairawarawa, sega ni rogoca walega, na vosa ni Kalou

O Jemesa e luvei Meri ka dua vei ira na taci Jisu Karisito. E dua talega na iliuliu ni Lotu mai Jerusalemi o Jemesa. A vola e dua na ivola vei ira kece na tamata ni Kalou e vuravura me vukei ira mera bulataka na kosipeli i Jisu Karisito.

Jemesa 1:1

Wilika tiko na iVolatabu o Josefa Simici

Vola o Jemesa, “Ia kevaka sa lailai na vuku vua e dua vei kemudou, me kerea vua na Kalou.“ Ni oti e vuqa na yabaki, a wilika e dua na gonetagane o Josefa Simici na veimalanivosa oqori ka nanuma me masulaka na nona taro. Qai kaya e muri o Josefa Simici, “Au raica ni dina na ivakadinadina i Jemesa.“ Na Kalou e sauma na masu i Josefa, ka na sauma talega o Koya na noda.

Jemesa 1:5; Josefa Simici—Ai Tukutuku 1:11–17, 26

E vakavulica tiko o Jemesa e dua na ilawalawa tamata.

E vola talega o Jemesa meda vakarorogo vakavinaka kina veika era kaya na tamata tale eso ka tovolea me da kakua ni cudruvi ira. Nida cudru, eda na sega ni rawa ni qarava na Kalou.

Jemesa 1:19–20

Rau vosa tiko e dua na gonetagane kei na goneyalewa vua e dua na marama ka taura tu e dua na gone e tagitagi tiko.

E kaya o Jemesa ni sega ni rauta meda rogoca walega na vosa ni Kalou; eda gadreva talega me da bulataka. “Ia dou muria na vosa,“ e vola “kakua ni rogoca walega.”

Jemesa 1:22

E rau sureta na gonetagane kei na goneyalewa na marama kei na luvena lailai me rau lako mai ena loma ni dua na valelaca katakata kei na nodrau matavuvale.

E vakamacalataka o Jemesa ni daumuri Jisu Karisito e sega walega ni noda vakabauta na Kalou. Na tevoro mada ga e kila ni tiko dina na Kalou. Nida raici ira na tamata era batabata se viakana, e dodonu me da solia vei ira na isulu kei na kakana. E dodonu meda dausikovi ira na yada kei na gone luveniyali. E vola ko Jemesa “Ni sa mate na vakabauta ni sega ni tu vata kei na cakacaka.”

Jemesa 1:27; 2:14–20

E dua na tamata e tubera tiko e dua na ose mai na veika rerevaki.

A vinakata talega o Jemesa me vakavulici ira na Yalododonu me ra vosa vinaka vei ira na tamata. E kaya ni qarauna na noda vosa sa vaka ni o tubera tiko e dua na ose. E rawa nida dusimaka e dua na ose levu ena paraile, ka semati kina dua na tiki ni kaukamea lailai ena gusu ni ose. E rairai lailai talega na noda vosa, ia e rawa nira mana.

Jemesa 3:2–3

E dua na waqa ena cava, ka vagolei ena dua na iuli lailai.

E kaya o Jemesa ni lewai na noda vosa sa vaka na iuli ena dua na waqa. Kevaka mada ga e vakaitamera na waqa ka kaukauwa na cagi, e rawa nida veigoleyaka na waqa ena noda vakatulewa ena dua na iuli se rada lailai. Na iuli sa vaka na noda vosa. Kevaka e rawa nida vakatulewataka na ka eda kaya, e rawa nida vakayaco duidui lelevu!

Jemesa 3:4–5

Era veiba na tamata kei na dua na sotia ni Roma, ka sa vakalutuma oti eso na vuanikau.

Na vosa rogoca, a vakamacalataka o Jemesa, e rawa ni vaka e dua na yameyame lailai ka tekivuna e dua na kama levu. E rawa nira tete vakatotolo ka vakamosia vakalevu na yalo. Oqo na vuna sa bibi kina meda qarauna na noda vosa.

Jemesa 3:5–6

Era solia na gonelalai na vuanikau vua na sotia.

A vola o Jemesa ni da vakayagataka na gusuda meda masu vua na Tamada Vakalomalagi. Ia ena so na gauna eda dau vakayagataka talega na gusuda meda tukuna kina na veika ca vei ira tale eso, era luvena na Tamada Vakalomalagi. E kaya o Jemesa ni sega ni dodonu me vaka oya.

Jemesa 3:9–10

E dua na ka veivakacegui volekata e dua na mataniwai, ka vakavulici ira kina na tamata o Jemesa me baleta na kosipeli.

Me vakavulici ira na Yalododonu mera vosataka na vosa ni yalovinaka, a vakatavulica o Jemesa ni sega ni rawa kina mataniwai me solia ruarua na wai bulabula kei na wai gaga. Na vunilolo e sega ni rawa ni vuataka na vuanivaini, ka sega ni rawa ni vuataka na vuanilolo na vunivaini. Ena sala vata oqori, kevaka e tu e yaloda na vinaka kei na loloma, sa dodonu me vinaka ka loloma talega na noda vosa!

Jemesa 3:11–18