Lako Mai ka Raica

E dua na tamata na yacana o Filipi e a dua vei ira na daumuri Jisu. A kila o koya ni o Jisu sa iVakabula. A vinakata o Filipi me kila talega na nona itokani o Nacanieli na veika baleti Jisu.

Joni 1:43–45

A kila tu o Nacanieli ni ivolanikalou e tukuna ni na tala mai na Kalou e dua na iVakabula. A kaya vua o Filipi ni sa kunea na iVakabula—Na yacana o Jisu, mai Nasareci.

Joni 1:45

A sega ni vakabauti koya taumada o Nacanieli. E sega ni nanuma o koya ni rawa ni tiko na iVakabula mai Nasareci. “E tubu rawa beka mai Nasareci e dua na ka vinaka?” a taroga o koya. A sauma o Filipi, “Lako mai mo raica.”

Joni 1:46

A lako vata kei Filipi o Nacanieli me laki sotavi Jisu. Ni sa raica o Jisu ni rau sa lako mai, a kaya nio Nacanieli e tamata vinaka ka dina. A kurabui kina o Nacanieli. A se bera vakadua ni sotavi Jisu o koya. A kilai koya vakacava o Jisu?

Joni 1:47–48

A kaya o Jisu vei Nacanieli ni bera ni vosa o Filipi vua, sa raici koya o Jisu ni dabe tiko ena ruku ni dua na vunilolo.

Joni 1:48

Ia oqo sa qai kila o Nacanieli ni o Jisu sa Luve ni Kalou. A kaya o Jisu vei Nacanieli ni na raica na veika lelevu—me vakataki ira na agilosi era lako sobu mai lomalagi—ena vuku kecega ni nona vakabauta.

Joni 1:49–51