Marica kei Meri

A vakaitikotiko o Marica ena dua na koro ka vakatokai o Pecani. Ni ratou yaco yani o Jisu kei iratou na Nona tisaipeli ki Pecani, a kidavaki rau o Marica ena nona itikotiko.

Luke 10:38

Ni veivakavulici tiko o Jisu, a osooso sara o Marica vei ira na nona vulagi. Na tacina, o Meri, a dabe volekati Jisu ka vakarorogo tiko ki na Nona vosa.

Luke 10:39–40

A sega ni marautaka o Marica ni cakava duadua tiko na cakacaka taucoko. A nanuma okoya ni o Meri me mai veivuke ka kua ni vakarorogo vei Jisu. A kerei Jisu o Marica me tukuna vei Meri me vukei koya.

Luke 10:40

Sa raica rawa o Jisu na dredre ni cakacaka nei Marica. A tukuna vua ni raica ni sa leqataka tiko e vuqa na ka.

Luke 10:41

E vakamacalataka o Jisu ni so na ka e bibi cake mai vei ira tale eso. A kaya o Koya ni o Meri, sa digidigi vinaka me vakarorogo ki na Nona vosa. Na veika a vulica mai vei Jisu ena sega ni kau tani mai vua.

Luke 10:42