Sa Vakaceguya Erua Na Tisaipeli o Jisu

Ena siga a tucaketale kina o Jisu, erau a taubale tiko mai Jerusalemi kina dua na tauni ka vakatokai o Emeo erua na tisaipeli. Erau a daumuri Jisu, ka rau a rarawa voli. Erau a veitalanoataka tiko vakai rau na mate nei Jisu kei na veika tale eso a yaco ena vica na siga sa oti.

Luke 24:13–14

Nirau lako tiko, a lako mai ko Jisu ka lako vata kei rau, ia erau a sega ni kila ni sai Jisu oya. A taroga o Koya se cava erau veitalanoataka tiko kei na vuna erau rarawa tiko kina.

Luke 24:15–17

Erau a kurabuitaka ni a sega ni kila o Koya na ka a yaco. Erau a tukuna Vua me baleti Jisu. Erau a nanuma nio Koya ena nodrau iVakabula, ia sa mate o Koya.

Luke 24:18–21

Era a kaya talega ni so na marama era a lako kina Nona ibulubulu, ia sa yali kina na yagoi Jisu. Era a tukuna na agilosi vei ira na marama ni sa bula tiko o Jisu.

Luke 24:21–24

A qai vakavulica vei rau o Jisu na veika e tukuna na ivolanikalou me baleta na iVakabula. A kaya nira a vakavulica na parofita ni na mate na iVakabula ka tucake tale.

Luke 24:25–27

Ni rau yaco ki Emeo, a sa yakavi na vanua. Erau a sureti Jisu na rua na tisaipeli oqo me tiko vata kei rau. A dabe sobu o Jisu me kana vata kei rau. A taura na madrai, vakalougatataka, ka solia vei rau na tisaipeli. Ena gauna oya, erau a kila kina ni sai Jisu oya. Vakasauri ga sa sega ni laurai o Koya.

Luke 24:29–31

Erau a tukuna na tisaipeli erua na katakata erau vakila e lomadrau ena gauna a vakavulici rau tiko kina o Jisu mai na ivolanikalou. Erau a vakusakusa lesu tale ki Jerusalemi me tukuna vei ira na vo ni tisaipeli nirau a raici Jisu.

Luke 24:32–35