Sa Vakabulai Lasarusa Mai na Mate o Jisu

E rautou vakaitikotiko ena dua na koro ka vakatokai o Pecani o Meri, Marica, kei Lasarusa. E ratou vakabauti Jisu, ka sa lomani iratou o Koya. E ganei Lasarusa o Meri kei Marica.

Joni 11:1–5

Sa tauvimate bibi sara o Lasarusa. A tiko o Jisu ena dua tale na koro. A vakauta vei Koya o Meri kei Marica e dua na itukutuku me vakaraitaka Vua ni sa tauvimate tiko na Nona itokani.

Joni 11:1–3

A wawa tur o Jisu me rua na siga. Sa qai kaya vei ira na Nona tisaipeli me ra sa na lako ki Pecani. Era a lomaleqa na tisaipeli baleta ni so na tamata volekati Pecani era via vakamavoataki Jisu tu. Ia a vinakata o Jisu me vukei Lasarusa. Kaya o Koya ni sa mate oti o Lasarusa, ka sa na vakabulai Koya tale mai.

Joni 11:6–16

A sotavi Jisu ena taudaku ni koro. A kaya ni kevaka me a lako kusarawa mai o Jisu, ke a sega ni mate o Lasarusa. Sa yalataka o Jisu ni na bula tale o Lasarusa.

Joni 11:17–24

Kaya o Jisu, “Oi au na vu ni tucake tale, kei na vu ni bula.” A tarogi Marica ke sa vakabauti Koya. Kaya o koya, “Au sa vakadinata ni sa Karisito koi kemuni, na Luve ni Kalou.”

Joni 11:25–27

A lesu tale ki vale o Marica ka tukuna vei Meri ni sa lako mai ko Jisu. Sa lako mai o Meri ka dabe sobu ena yavai Jisu, ka tagicaka na ganena. A tagi talega o Jisu. Sa lomani Lasarusa, Meri, kei Marica o Koya.

Joni 11:28–36

Sa gole o Jisu, Marica, Meri, kei na so tale ki na qaravatu ea bulu koto kina o Lasarusa. E dua na vatu levu e sogota tu na icurucuru. A kaya o Jisu me biligitani na vatu.

Joni 11:38–39

Ia a kaya vei Jisu o Marica ni sa mate oti e va na siga o Lasarusa. A vakananumi Marica o Jisu ena Nona yalayala. A kerei koya me vakadinata.

Joni 11:39–40

Sa qai masu o Jisu vei Tamana. Sa vakavinavinakataka na Kalou ni dau rogoci Koya tu ga. E vinakata o Jisu me ra vakadinata na tamata ni sa talai Koya mai na Kalou me mai iVakabula. Sa qai kaci ena domolevu o Jisu, “Lasarusa, lako mai.”

Joni 11:41–43

Sa lako tani tu mai na qaravatu o Lasarusa. E se solegi tu ga o koya ena isulu kei na ituvi ea bulu vata kaya. Tukuna o Jisu vei ira na tamata me ra kauta tani na ka e solegi tu kina. Vuqa na tamata ka sarasara tu ena siga oya sa qai vakadinata ni sa iVakabula dina sara o Jisu, na Luve ni Kalou.

Joni 11:44–45