Sa Vakadinadinataki Jisu Karisito o Sitiveni

A tubu totolo sara tiko na Lotu. Sa dredre sara vei iratou na iApositolo me ratou qaravi ira na lewenilotu taucoko.

Cakacaka 6:1–2

Eratou sa lewa na iApositolo me ratou kaciva e vitu na turaga ka rawa ni veivuke. Eratou kerei ira na lewenilotu me ra vakasaqarai ira na tamata yalomatua ka vakasinaiti ena Yalo Tabu.

Cakacaka 6:3

E dua vei ira era a digitaka o Sitiveni. Eratou sa qai vakalougatataki koya na iApositolo. E levu na vakabauta nei Sitiveni ka caka mana vakalevu ena kedra maliwa na tamata.

Cakacaka 6:5–8

A vakavulici Jisu Karisito o Sitiveni ena vuku kei na Yalotabu. Ia o ira na iliuliu ni dua na valenilotu e sega ni taleitaka na ka e vakavulica tiko. Era kaya ni vosataki Mosese ka saqata na Kalou. Eratou sa qai kauti Sitiveni kivei iratou na bete levu kei ira eso tale na iliuliu.

Cakacaka 6:9–15; 7:1

Na mata i Sitiveni e vaka na matana e dua na agilosi. A vakananuma vei ira na iliuliu ni Kalou a talai Mosese me vakabulai ira na Isireli, ia era a sega ni dau muri Mosese. A kaya o Sitiveni ni o Mosese e vakataki Jisu Karisito. A talai Jisu na Kalou me vakabulai ira na Nona tamata, ia era sa sega ni muri Koya na iliuliu. Era a cudruvi Sitiveni na iliuliu.

Cakacaka 7:20–43, 51–54

Ni vakasinaiti tu ena Yalo Tabu, a rai ki lomalagi o Sitiveni. A raici Jisu Karisito ni tu tikivi Koya na Tamada Vakalomalagi.

Cakacaka 7:55–56

Ni sa tukuna vei ira na iliuliu o Sitiveni na veika sa raica, sa yaco me ra rarawa vakalevu sara. Era a kaila ena cudru ka dreti Sitiveni. Era yarataki koya yani ki taudaku ni koro.

Cakacaka 7:57

Era sa qai biuta na nodra kote ena yavana e dua na tamata ka yacana ko Saula. Era sa qai viriki Sitiveni ena vatu ka vakamatei koya sara. A vakadonuya o Saula na veika era sa cakava tiko. E masu o Stephen. A kerea vua na Turaga me vosoti ira era sa vakararawataki koya tiko. A kerea talega vua na Turaga me ciqoma na yalona ki lomalagi.

Cakacaka 7:59–60; 8:1