Saimoni kei na Kaukauwa ni Kalou

E dua na tamata na yacana o Saimoni e vakaitikotiko mai Samaria. Ni rogoca o koya na kosipeli i Jisu Karisito, a vakadinata. A kurabui talega ena cakamana e ratou a vakayacora na tisaipeli i Jisu ena kaukauwa ni Kalou. A papitaiso o Saimoni, ka levu tale na turaga kei na marama mai Samaria.

Cakacaka 8:5–13

Era rogoca na iApositolo e Jerusalemi ni ra sa papitaiso tiko na tamata e Samaria. Rau sa lako o Pita kei Joni ki Samaria. Ena nodrau vakayagataka na kaukauwa ni Kalou, na matabete, rau sa tabaka kina na tamata ka era sa papitaiso oti ka solia vei ira na isolisoli ni Yalo Tabu.

Cakacaka 8:14–17

Ni raici Pita kei Joni o Saimoni, a solia vei rau o koya na ilavo ka kaya, “Solia talega mai vei au na kaukauwa oqo.” A vinakata o koya me volia na matabete ni Kalou me rawa ni solia talega na isolisoli ni Yalo Tabu.

Cakacaka 8:18–19

E vakamacalataka o Pita ni sega ni rawa vua e dua me volia na kaukauwa ni Kalou. E dua na isolisoli mai vei Koya. A kaya o Pita vei Saimoni ni sa gadreva na yalona me veisau. A sureti Saimoni o koya me veivutuni ka masuta na Kalou me vosoti.

Cakacaka 8:20–23

Sa vosota o Saimoni. Sa kerei Pita me masulaki koya me vukei koya me veisau.

Cakacaka 8:24