Tapaica, e dua na Marama “Sa Daucakacaka Vinaka”

O Tapaica e dua na tisaipeli yalodina i Jisu Karisito. E vakaitikotiko o koya ena dua na koro e wasawasa, ka vakatokai o Jopa. E taleitaka me veiqaravi ka vukei ira na tamata era dravudravua tu.

Cakacaka 9:36

Sa caka isulu o Tapaica ka solia vei ira na marama era vakaleqai tu. Era sa lomani Tapaica.

Cakacaka 9:39

Ena dua na siga, sa tauvimate bibi sara o Tapaica. Sa tauvimate vakalevu o koya ka mani mate sara.

Cakacaka 9:37

Era sa rarawa sara vakalevu o ira na lewe ni Lotu e Jopa. Era sa kila tu ni o Pita, e dua vei ira na iApositolo i Jisu, a tiko voleka e taoni. Erau a tala e rua na tagane me kerei Pita me vakusakusa yani ka lako mai vei iratou.

Cakacaka 9:38

A lako mai o Pita ki na vanua e tiko kina na yagoi Tapaica. E so vei ira na marama ea tiko e vukea o Tapaica. Eratou vakaraitaka vei Pita na isulu a cakava me baleti iratou.

Cakacaka 9:39

Sa kerei ira kece na tamata o Pita me ra biuta na rumu. A tekiduru ka masu.

Cakacaka 9:40

Ni oti na masu, a kaya o Pita, “Tapaica, tu cake.” E dolava na matana o koya ka dabe. A vukei Tapaica o Pita me tucake. Sa bula tale o Koya! Sa kacivi ira na nona itokani o Pita me ra lako mai ka raici koya. Era sa kurabui! Era kila ni a kau lesu mai ki na bula o koya ena kaukauwa i Jisu Karisito. E vuqa tale na tamata era vakabauti Koya.

Cakacaka 9:40–42