"Ni a Cakava Vei Au"

A kaya o Jisu Karisito vei iratou na Nona tisaipeli ni oti na Nona lesu vei Tamana mai Lomalagi, ena lesu tale mai o Koya ki vuravura vata kei ira kece na agilosi yalosavasava. Ena siga koya, era na soqoni vata Vua na tamata mai na veimatanitu kecega—o ira na tamata era a muri Koya kei ira na tamata era a sega ni muri Koya.

Maciu 25:31–33

Ena tukuna o Jisu vei ira na tamata era a muri Koya ni rawa nira curu kina Nona matanitu, baleta nia viakana o Koya, era a vakani Koya. Ni a karamaca o Koya, era a solia Vua na gunu.

Maciu 25:34–35

Era a solia Vua na isulu kei na vanua me tiko kina ni a gadreva o Koya. Ni a tauvimate se tiko e valeniveivesu o Koya, era sikovi Koya.

Maciu 25:36

Era na tarogi Jisu na tamata se na gauna cava era a cakava kina edua na ka vinaka vakaoqo vei Koya. Ena qai vakamacalataka na iVakabula ni gauna eda cakava kina na veika vinaka vei ira na tani, e tautauvata nida cakava tiko na veika vinaka vei Koya.

Maciu 25:37–40

Ena kaya o Jisu vei ira na tamata era sega ni muri Koya ni sega ni rawa mera curu kina Nona matanitu. Ni a viakana ka viagunu o Koya, era a sega ni solia vei Koya na kakana se ka me gunuva.

Maciu 25:41–42

Era a sega ni vukei Koya ni a gadreva na isulu se dua na vanua me tiko kina. Ena gauna a tauvimate se tiko kina e valeniveivesu o Koya, era a sega ni lai sikovi Koya.

Maciu 25:43

Ena vakamacalataka o Jisu ni gauna eda digitaka kina meda kakua ni vukea e dua e vakaleqai tu, eda sa digitaka tiko meda kakua ni vukei Koya. Nida digitaka meda vukei ira na tani, eda sa digitaka tiko meda vukei Jisu.

Maciu 25:45