Temaki Jisu o Setani

Ni oti na Nona papitaiso, a gole ko Jisu kina lekutu me laki tiko vata kei na Kalou. A sega tu ni kana o koya me 40 na siga. A lolo ka masumasu tiko o Koya me vakavakarau ki na Nona ilesilesi.

Maciu 4:1–2; raica na Josefa Simici iVakadewa ena ivakamacala 1b kei na 2c

A via kana tu o Jisu. A lako mai o Setani ka temaki Koya. A kaya o koya ni kevaka sa Luve ni Kalou o Jisu, sa rawa ni vukica o Koya na vatu me madrai. A sega ni cakava o Jisu. A cavuta o Jisu na ivolanikalou me tukuna ni a bula o Koya ena vosa ni Kalou, sega ni madrai walega.

Maciu 4:2–4

Sa qai kauti Jisu na Yalo Tabu ki na lalaga ni valetabu. Sa temaki Jisu o Setani me lade tani mai kina. A kaya o koya ni kevaka sa Luve ni Kalou o Jisu, era na taqomaki Koya na agilosi. A sega ni lade o Jisu. A tukuna vei Setani ni ivolanikalou e kaya ni sega ni dodonu meda vakatovolea na Kalou.

Maciu 4:5–7; raica na Josefa Simici iVakadewa ena ivakamacala 5a kei na 6a

Oti, sa qai kauti Jisu na Yalo Tabu ki na dua na dela ni ulunivanua. Mai kea, sa rawa vei Jisu me raica na vei matanitu kecega e vuravura. A lako mai o Setani ka kaya ni na solia vei Jisu na vei matanitu kece oqo kevaka me na qaravi koya.

Maciu 4:8–10; raica na Josefa Simici iVakadewa 8a

A tukuna o Jisu vei Setani ni ivolanikalou e kaya ni dodonu meda qarava duaduaga na Kalou. A tukuna o Jisu vei Setani me lako tani. A gole o Jisu ki Kalili me laki vakavulica na Nona kosipeli. A vakasinaiti o Koya ena kaukauwa ni Yalo Tabu.

Luke 4:13–14