Maciu 14:22–33
Lako voli e Dela ni Wai
Sa ulabaleta na rere na vakabauta
A vinakata o Jisu e dua na gauna me masu duadua ga kina. A talai iratou na Nona tisaipeli ena dua na waqa kina yasa kadua ni Wasawasa e Kalili. A gole o Jisu me laki masu ena dua na ulunivanua.
Maciu 14:22–23
Ena bogi oya, a kaukauwa na cagi, ka levu na ua. E ratou cakacaka vakaukauwa na tisaipeli i Jisu ena bogi taucoko me ratou tovolea me kauta na waqa kina tai kadua ni wasawasa.
Maciu 14:24–25
Ni sa voleka ni oti na bogi, eratou a raica na tisaipeli e dua ni sa lako tiko yani vei iratou e dela ni wai. E ratou nanuma ni dua na yalo, ka ratou a rere kina. Ia a sega ni dua na yalo; sai Jisu ga! A kaci mai o Koya vei iratou, “Dou vakacegu; koi au ga; dou kakua ni rere.”
Maciu 14:25–27
A kerei Jisu o Pita me sureti koya me lako Vua e dela ni wai. A kaya o Jisu, “Lako ga mai!” A sobu mai waqa o Pita ka tekivu taubale e dela ni wai, me vakataki Jisu!
Maciu 14:28–29
Ia ni sa raica o Pita na cagi kaukauwa kei na ua lelevu, sa rere sara. A tekivu me lutu dromu o koya e wai. A kaci yani vei Jisu, “Na Turaga, ni vakabulai au.”
Maciu 14:30
A dodoliga yani o Jisu ka tauri Pita. A tarogi Pita na cava e vakatitiqataka kina ka sega ni vakabauti Koya vakalevu cake.
Maciu 14:31
Ni rau sa vodo yani o Jisu kei Pita kina waqa, sa ruru sara na cagi. Eratou a qoroqoro na tisaipeli ena ka a yaco. Eratou a kila ni sa Luve dina ni Kalou ko Jisu, ka ratou sokalou vua.
Maciu 14: 32–33