Gone ni Rarama

Era marautaka na Yalododonu ena gauna nei Paula na siga ena lako tale mai kina i vuravura o Jisu Karisito. Ena dua na vanua vakatokai o Cesalonaika, a dredre sara na bula vei ira na Yalododonu. Era vakataroga se kena ibalebale beka ni sa voleka ni lako mai o Jisu. A volavola o Paula me vukei ira.

1 Cesalonaika 4:16–18; 5:1–2; 2 Cesalonaika 1:4

A kaya o Paula ni sega ni dua e kila na gauna ena lesu tale mai kina o Jisu. Ena veivakurabuitaki vei ira eso na tamata, me vaka e dua na daubutako e lako mai ena bogi ni ra moce tu.

1- Cesalonaika 5:2–3; 2 Cesalonaika 2:2

Ia sa tukuna o Paula vei ira na Yalododonu nira sa sega ni tiko ena butobuto. Baleta nira muri Jisu Karisito, era sa gone ni rarama na Yalododonu!

1 Cesalonaika 5:4–6

A vakamacalataka o Paula ni bera ni lako tale mai o Jisu, e vuqa na tamata era na gole tani mai na dina. E vinakati ira na Yalododonu o Koya, o ira na gone ni rarama, mera muri Jisu ka nanamaki tikoga kina Nona lako mai. Kevaka eda cakava oqo, se cava ga e yaco tiko e vuravura, eda na vakarau tu ni lesu mai o Jisu.

1 Cesalonaika 1:5; 2 Cesalonaika 2:3