Solia Tu o Jisu vei Ira na Nona Apositolo na iDola ni Matabete

Dua na siga, a tarogi ira na Nona tisaipeli o Jisu na cava era nanuma na tamata se o cei o Koya. Era sauma na tisaipeli ni so na tamata e kaya ni o Koya o Joni na Dauveipapitaiso. Eso tale e nanuma ni o Koya e dua na parofita mai na Veiyalayalati Makawa ka sa lesu tale mai.

Maciu 16:13–14

Sa qai tarogi ira na Nona tisaipeli o Jisu na cava era nanuma se o cei o Koya. Kaya o Pita, “Oi kemuni na Karisito, na Luve ni Kalou bula.”

Maciu 16:15–16

Sa marau o Jisu ni rogoci Pita kaya na ka oqo. A tukuna vei Pita ni a sega ni vulici Koya tu mai vei ira na tamata tale eso. Sa vakatakila vua na Tamada Vakalomalagi.

Maciu 16:17

Tukuna vei Ptia o Jisu,“Ena dela ni vatu oqo kau na tara kina na noqui soqosoqo lewe ni lotu.” Sa qai yalataka o Koya me solia vei Pita na idola ni matabete, se na dodonu ni lewa mai vua na Kalou, me rawa vua ni liutaka kei na Apositolo tale eso na Nona Lotu e vuravura.

Maciu 16:18–19

Ni oti e vica na siga, a kauti Pita, Jemesa, kei Joni o Jisu ki na dua na ulunivanua cere mera laki masu.

Maciu 17:1; Luke 9:28

Ni masu tu o Jisu, sa serau na matana me vaka na matanisiga. Sa ramase vakakina na nona isulu.

Maciu 17:2; Luke 9:29

A rairai mai e rua na parofita mai na Veiyalayalati Makawa, o Mosese kei Ilaija. Rau a veivosaki kei Jisu me baleta Nona mate kei na Tucaketale, ka sa voleka ni yaco e Jerusalemi. Kaya o Pita vei Jisu, “Turaga, sa vinaka na nodatou tiko eke.”

Maciu 17:3–4; Luke 9:30–33 (raica na iVakadewa i Josefa Simici ena ivakamacala e botona 31a)

Ni vosa tiko o Pita, sa wavoliti ira e dua na o ramase. Era rogoca na domo ni Kalou ni kaya, “Oqo na noqu Gone ni toko, au sa dauvinakata vakalevu; dou vakarogoci koya.” Sa rere o Pita, Jemesa, kei Joni ka bale sobu ki na qele.

Maciu 17:5–6

Sa tarai iratou na Nona Apositolo o Jisu ka kaya, “Tucake, ka kakua ni rere.” Ratou sa rai cake. Sa yali o Mosese kei Ilaija. Ena ulunivanua oqo, sa ciqoma tu o Pita, Jemesa, kei Joni na idola ni matabete ea yalataka vei ratou o Jisu.

Maciu 17:7–9; raica talega na Vunau kei na Veiyalayalati 27:12–13