Sa Papitaiso o Jisu

A kacivi Joni na Kalou me vukei ira na tamata mera vakavakarau kina lako mai nei Jisu Karisito. A vakavulici ira na tamata o Joni mera veivutuni ka papitaiso. Era a vakatokai koya na tamata me o Joni na Dauveipapitaiso.

Maciu 3:1–12

O Joni e a dua na qasenivuli kaukauwa. E vuqa na tamata era a lako mai me rogoci koya ka papitaiso. Ena dua na siga, a lako mai o Jisu me papitaiso.

Maciu 3:5, 13

A kila tu o Joni ni dau talairawarawa tu ga o Jisu vua na Kalou. A sega ni gadrevi me veivutuni o Koya. A sega ni nanuma o Joni ni dodonu me papitaisotaki Jisu. A nanuma o Joni ni dodonu me papitaisotaki koya o Jisu!

Maciu 3:14

A kaya o Jisu ni sa gadrevi talega Vua me papitaiso. A vinakata o Koya me talairawarawa kina ivakaro kece nei Tamana. A vinakata talega o Koya me vakaraitaka vei keda e dua na ivakarau. A papitaisotaki Koya o Joni.

Maciu 3:13–15; 2 Nifai 31:5–7

Ni sa cabe mai wai o Jisu, a lako sobu mai Vua na Yalo Tabu me vaka e dua na ruve. A vosa mai lomalagi na Tamada Vakalomalagi, ka kaya, “O koya oqo na noqu Gone ni Toko.” A marau vakalevu na Tamada Vakalomalagi me baleti Jisu.

Maciu 3:16–17