Marika 10:17–31
O Jisu kei na Cauravou Vutuniyau
"Na cava meu cakava meu rawata kina na bula tawamudu?"
Ni ratou taubale tiko o Jisu kei iratou na Nona tisaipeli, a cici yani vei Jisu edua na cauravou vutuniyau ka tekiduru e matana. A tarogi Jisu o koya ena cava me cakava me rawa ni laki bula vata tale kei Tamada Vakalomalagi.
Marika 10:17
Na iVakabula a vakananuma vua na cauravou ni kila tu o koya na ivakaro ni Kalou: kakua ni laba, kua ni lasu se butako, ka vakarokorokotaka na tamamu kei na tinamu.
Marika 10:19
A kaya na cauravou ni a dau talairawarawa vei ira na ivakaro oqo, nia se gone me yacova mai oqo.
Marika 10:20
A sa raica na cauravou o Jisu ka lomani koya. A kaya vua nio koya a gadrevi me cakava edua tale na ka. A gadrevi vua me volitaka na veika kece e tu vua, solia na ilavo vei ira na dravudravua, ka yaco me dua na daumuri Jisu. Sa na qai vakaiyau o koya mai lomalagi!
Marika 10:21
A sa vutuniyau sara na cauravou qo. A sega ni vinakata me veisoliyaka na veika kece e tu vua. A sa lako tani ena rarawa.
Marika 10:22
A kaya o Jisu ni sa rawarawa vua edua na kameli me curuma na mata ni cula ka sa dredre sara vei ira na tamata era taleitaka na iyau mera curu kina na matanitu ni Kalou. Eratou a kurabui na tisaipeli. "O cei ga sa na qai rawa ni vakabulai?" eratou a taroga. A vakamacalataka o Jisu ni dodonu meda vakabauta na Kalou meda vakabulai. "Ni sa rawarawa vua na Kalou na ka kecega," a kaya o Koya.
Marika 10:23–30