Vakabula o Jisu e dua na Dauveiqaravi ni Turaganivalu—Vakaraitaka na vakabauta cecere e dua na iliuliu ni Roma

Luke 7:1–10

Vakabula o Jisu e dua na Dauveiqaravi ni Turaganivalu

Vakaraitaka na vakabauta cecere e dua na iliuliu ni Roma

E dua na turaganivalu kei ira na nona sotia.

E dua na turaganivalu a vakaitikotiko e Kapenaumi, e dua na tauni ka dau veivakavulici wasoma kina o Jisu. O koya e a iliuliu ni dua na ilawalawa sotia levu.

Luke 7:1–2

Sa tauvimate bibi na dauveiqaravi ni turaganivalu.

Na turaganivalu oqo a tiko e dua nona dauveiqaravi ka dau taleitaki sara o koya. A qai tauvimate na dauveiqaravi ka sa voleka ni mate.

Luke 7:2

Sa kerea na turaganivalu vei ira eso na iliuliu ni Jiu mera qarai Jisu mai.

E dina ga ni sega ni Jiu na turaganivalu, a sa rogoca o koya baleti Jisu. A vakabauta o koya ni tiko vei Jisu na kaukauwa me cakava na cakamana levu. A tala eso na iliuliu ni Jiu mera kerei Jisu me lako mai ka vakabula nona dauveiqaravi.

Luke 7:3–4

Eso na tamata era tukuna vei Jisu me kua ni lako ki na vale nei turaganivalu.

Era tukuna vei Jisu na iliuliu me baleta na turaganivalu kei na nona dauveiqaravi. Era kaya ni turaganivalu oqo e dau yalovinaka vei ira na Jiu. A tekivu taubale yani o Jisu kina vale nei turaganivalu. Ia ni se bera ni yaco e kea, era tarovi Jisu eso na itokani ni turaganivalu. Era a tukuna Vua me kua ni lako kina loma ni vale.

Luke 7:4–6

Era tukuna vei Jisu na tamata ni vakila na turaganivalu ni sa sega ni yaga o koya.

Era a kaya na itokani ni vakila na turaganivalu ni sa sega ni yaga o koya me curu kina o Jisu ena nona vale. A vakabauta o koya ni rawa ni vakabulai nona dauveiqaravi o Jisu vakayawa sara mada ga mai!

Luke 7:6–8

Sa kaya o Jisu ni sa cecere sara na nona vakabauta na turaganivalu.

A kurabui o Jisu ena vakabauta ni turaganivalu. A kaya ni se sega ni raica o Koya na vakabauta cecere vakaoqo.

Luke 7:9

Sa vakabulai na dauveiqaravi ni turaganivalu.

Ni ra lesu tale na itokani ni turaganivalu ki na nona vale, a sa vakabulai vakaoti tu na dauveiqaravi. A vakabulai koya o Jisu, me vaka ga na nona vakabauta na turaganivalu ni rawa ni cakava vakakina o Koya.

Luke 7:10