Vakatauvatana o Paula na yagoda kina valetabu.

O Korinica e dua na koro levu voleka ki matasawa. E vuqa sara na tamata ena koro levu oqo era sega ni qarava na Kalou. A vakavulici ira na tamata mai Korinica o Paula me baleti Jisu. E vuqa na tamata era a vakabauta ka papitaisotaki.

Cakacaka 18:8–11

Ni sa biubiu mai o Paula, a rogoca ni ra vakaleqai tiko eso na lewe ni Lotu. E vuqa na tamata mai Korinica era sega ni muria na ivakaro ni Kalou me baleta na ivakarau ni kena maroroi se vakayagataki na yagoda.

1 Korinica 6:13–18

A vola vei ira o Paula e dua na ivola. A kaya ni yagoda sa vaka na valetabu ni Kalou. Eda doka na valetabu baleta ni vale ni Kalou. E dodonu talega meda rokova na yagoda baleta ni sa isolisoli mai vua na Kalou.

1 Korinica 6:19–20

E gadreva na Tamada Vakalomalagi me da digitaka me da caka vinaka ki na yagoda. Ni da vakayacora vakakina, ena rawa ni tiko vata kei keda na Yalo Tabu.

1 Korinica 6:19

A kaya o Paula ni sa sauma o Jisu Karisito na kena isau mai na Nona vakararawataki. Eda vakaraitaka na noda lomani Jisu ena noda digitaka na veika vinaka me baleta na yagoda ka muria na Nona ivakaro. Eda vakaraitaka vua na Kalou ni da sa vakavinavinakataka na isolisoli totoka ni yagoda ena noda raica me vaka e dua na valetabu.

1 Korinica 6:20