Sa Vakalougatataki Ira na Gone Lalai o Jisu—“Ni sa vakataki ira na lewe ni matanitu ni Kalou”

Marika 10:13–16

Sa Vakalougatataki Ira na Gone Lalai o Jisu

“Ni sa vakataki ira na lewe ni matanitu ni Kalou”

Era sa kerei Jisu na tamata me vakalougatataki ira na luvedra.

Ena gauna e veivakatavulici tiko kina o Jisu, eso na tamata era kauta mai na luvedra lalai ki Vua. Era vinakati Jisu me vakalougatataki ira na luvedra. Era saga na Nona tisaipeli me tarovi ira.

Maciu 19:13; Marika 10:13

Sa vakatavulici ira na Nona tisaipeli o Jisu mera vakataki ira na gone lalai.

Sa tukuna o Jisu vei ira na Nona tisaipeli mera laivi ira na gone mera lako mai Vua. E kaya o Koya ni ra sa lewe ni matanitu ni Kalou na gone lalai. A vakamacalataka ni kevaka e dua e vinakata me bula vata tale kei na Kalou, sa dodonu mera vakataka tu e dua na gone lailai.

Maciu 19:14; Marika 10:14–15

Sa qai keveti ira na gone lalai o Jisu ka vakalougatataki ira.

Maciu 19:15; Marika 10:16