E Dua na Agilosi e Sereki Pita mai Valeniveivesu

E dua na tui na yacana o Eroti e sega ni taleitaki ira na lotu Vakarisito. A vakamatea o koya na iApositolo o Jemesa. Sa qai biuti Pita ki valeniveivesu. A biuta e 16 na sotia me taqomaka na valeniveivesu.

Cakacaka 12:1–4

Nira rogoca oqo na lewe ni Lotu, era masumasu vua na Tamada Vakalomalagi me baleti Pita.

Cakacaka 12:5

Ena dua na bogi, a moce tu o Pita. A vesuki ena rua na sinucodo ena kedrau maliwa e rua na sotia.

Cakacaka 12:6

Vakasauri, sa rairai mai e dua na rarama e loma ni valeniveivesu, ka rairai mai e dua na agilosi. “Kusarawa mo tu cake” a kaya na agilosi, ka lutu na sinucodo mai na ligai Pita. A kaya na agilosi vei Pita me muri koya.

Cakacaka 12:7–8

E nanuma o Pita ni sa tatadra tiko. A muria na agilosi ni sa siviti ira na mata yadra. Na matamata kaukamea ka basika kina koro sa tadola ga vakaikoya, ka rau curu yani kina o Pita kei na agilosi.

Cakacaka 12:9–10

A biubiu na agilosi, ka qai kila o Pita ni sega ni tadra tiko. A kila okoya ni a tala mai na Turaga na agilosi me vakabulai koya.

Cakacaka 12:10–11

A lako o Pita kina nona vale e dua na marama na yacana o Meri, ka ra lako mai kina e vuqa na lewe ni Lotu me ra masu. A tukituki okoya e katuba.

Cakacaka 12:12–13

A gole mai ki katuba e dua na goneyalewa na yacana o Rota. Ni rogoca na domona o Pita okoya, sa marau vakalevu sara! E cici o koya me laki tukuna vei ira na kena vo.

Cakacaka 12:13–14

Ni tukuna o Rota vei ira kece ni sa tiko e katuba o Pita, era sega ni vakabauti koya. Sa tukituki tiko o Pita.

Cakacaka 12:15–16

Kena itinitini, era sa dolava na katuba ka raica ni sa dina. Sa taqomaki o Pita! E sauma na Turaga na nodratou masu. Sa tukuna o Pita vei ira kece na tamata na nona kauti koya mai na valeniveivesu na Turaga.

Cakacaka 12:16–17