Sa Vesu Ko Jisu

Ni oti na nona masu ka vakararawataki o Jisu mai Kecisemani, a yaco yani o Jutasa kei na dua na ilawalawa sotia levu ni Jiu. O Jutasa a dua vei ira na iApositolo. A kila o koya ni dau lako vakawasoma o Jisu ki na were oqo. Era a saumi Jutasa o ira na iliuliu ni Jiu me vukei ira mera kunei Jisu me rawa ni kauti Koya tani.

Joni 18:2–3

Nira tovolea na yadra mera kauti Jisu tani, a ucuna mai o Pita edua na iseleiwau. A taya laivi na daligai koya na nona dauveiqaravi na bete levu.

Joni 18:10

A kaya vei Pita ko Jisu me biuta tani na nona seleiwau. A kaya o Jisu ni gadrevi Vua me cakava na ka a vinakata o Tamana.

Joni 18:11

A tara o Jisu na daligana na dauveiqaravi ka vakabula.

Luke 22:51

Era a kauti Jisu na sotia kina nona vale na bete levu. Eso tale na nodra iliuliu ni Jiu era a tu talega e kea. Era a vinakata mera kunea e dua na vuna me vakamatei kina o Jisu. Era a kauti ira mai na tamata mera mai tukuna na veika lasu baleti Koya.

Marika 14:53–61

Kena itinitini, a tarogi Jisu na bete levu se sa Luve ni Kalou o Koya. A sa kaya ko Jisu, "Oi au ga."

Marika 14:61–62

Oqo a vakavuna me cudru kina na bete levu kei ira na iliuliu tale eso. Era a mokuti Jisu, kasiviti Koya, ka vakaliailiai Koya. Era a duavata ni sa dodonu me vakamatei o Koya.

Marika 14:63–65

Ni a tiko o Jisu ena vale nei koya na bete levu, a wawa tu e tautuba o Pita. A dabe volekata edua na buka me katakata kina. Vakatolu, nodra kaya na tamata nira kilai Pita ni dua vei ira na tisaipeli i Jisu. Ia ena veigauna yadua, a kaya o Pita ni sega ni kilai Jisu.

Marika 14:54, 66–71

Sa qai tagi na toa, ka nanuma o Pita na ka a kaya o Jisu: ni na cakitaki Koya vakatolu o Pita. Sa lako yani ena tagi o Pita.

Marika 14:72

O ira na nodra iliuliu na Jiu era a kauti Jisu vei Pailato, na kovana ni Roma. Era sa lako talega mai e vuqa na tamata. Era a vinakata na iliuliu vei Pailato me vakamatei Jisu. Era a tukuna vei Pailato ni a vakatokai Koya o Jisu me nodra tui na kai Jutia.

Marika 15:1–3; Luke 23:2; Joni 18:28–31

A tarogi Jisu o Pailato se o Koya na nodra tui na kai Jutia. A kaya o Jisu, "Sa sega ni vakavuravura na noqu matanitu." A vakamacalataka o Koya ni lako mai ki vuravura me mai vakavulica vei ira na tamata na dina.

Joni 18:33–37

A kaya o Pailato ni sega ni vakabauta ni a cakava o Jisu edua na ka cala. Ia e vuqa na tamata era kailavaka yani, "Vakota kina kauveilatai." Sa qai lewa o Pailato me cakava na ka era a vinakata ka mani vakamatei kina o Jisu.

Marika 15:12–14; Luke 23:14–24