Na Vosa Vakatautauvata ni Tamata Cakacaka ena Were ni Vaini

A tukuna o Jisu vei ira na Nona tisaipeli na vosa vakatautauvata se italanoa me vukei ira ni kila vinaka na ituvaki ni matanitu vakalomalagi. Ena vosa vakatautauvata, sa gadreva e dua na turaga eso na tamata me cakacaka ena nona were ni vaini. Ena dua na mataka lailai, a raica o koya eso na tamata cakacaka ka vakadonuya mera cakacaka ena siga taucoko ena dua na sede. Era sa tekivu cakacaka.

Maciu 20:1–2

Ni oti e tolu na auwa, sa vakacakacakataka eso tale na tamata na turaga. Sa kerei ira mera cakacaka ena nona were ni vaini ena vo ni siga. Sa yalataka o koya me saumi ira vakadodonu.

Maciu 20:3–4

Ni oti e tolu na auwa, a raica o koya e levu tale na tamata ka gadreva tu na cakacaka. Sa kerei ira mera cakacaka talega ena nona were ni vaini.

Maciu 20:5

Kena itinitini, ni sa voleka ni cava na siga, sa raica na turaga na tamata ka ra sega ni cakava tu e dua na ka. Era kaya ni sega ni dua e solia vei ira e dua na cakacaka ena siga taucoko. Sa kaya na turaga ni ra rawa ni cakacaka ena iotioti ni auwa ni siga ena nona were ni vaini.

Maciu 20:6–7

Ni cava tu na siga ni cakacaka, sa saumi ira na tamata cakacaka na turaga. A solia o koya e dua na sede kivei ira na tamata ka cakacaka me dua na aua. Sa solia talega e dua na sede ki na tamata cakacaka yadua eso. Era sa cudru sara na tamata ka cakacaka ena siga taucoko. Era nanuma ni sa dodonu me levu cake na kedra isau mai vei ira kece tale eso.

Maciu 20:8–12

Sa vakananumi ira na tamata cakacaka na turaga ni ra sa vakadonuya me ra cakacaka ena siga taucoko ena dua na sede. A kaya ni sega ni dodonu me ra cudru kevaka esa digitaka me yalovinaka vei ira tale eso ka cakacaka tu ena nona were ni vaini.

Maciu 20:13–16