Luke 10:25–37
Na Vosa Vakatautauvata ni Kai Samaria Dauloloma
Lomani ira na kai noda me vaka eda sa lomani keda
A tarogi Jisu e dua na loya ena sala me rawata kina na bula tawamudu. A tarogi koya o Jisu se cava e volai tu ena ivolanikalou. A sauma na loya ni kaya na ivolanikalou meda lomana na Kalou ka lomani ira na wekada. Kaya o Jisu ni dina o koya. A qai taroga na loya, “Ko cei na kai noqu?” A sauma o Jisu ena dua na vosa vakatautavata se italanoa.
Luke 10:25–29
Ena vosa vakatautauvata, a lako voli e dua na Jiu ena sala mai Jerusalemi ki Jeriko. Vakasauri, na basika ni so na daubutako. Era butakoca na nona isulu, vakamavoataki koya vakaca, ka biuti koya ekea.
Luke 10:30
Sega ni dede, sa lako sobu mai e dua na bete. Na bete e dua na tamata ka cakacaka ena valetabu. A raica o koya na turaga oqo ena gaunisala ka vakatikitiki ki na yasana kadua.
Luke 10:31
Tarava mai e dua na tamata ka cakacaka talega ena valetabu, vakatokai na Livai. A raica na tamata ka mavoa tu, ka lako vakatikitiki talega ki na yasa ni sala kadua.
Luke 10:32
A qai basika mai e dua na kai Samaria. A raica ni sa mavoa sara vakaca na turaga ena gaunisala. Era sega ni dau veiriti na kai Samaria kei ira na Jiu. Ia a vinakata ga na kai Samaria oqo me vukea na turaga oqo.
Luke 10:33
Sa vukea na turaga na kai Samaria ena lumuti ni nona mavoa ena waiwai kei na waini. Sa vakavodoki koya ena nona asa.
Luke 10:34
Sa qai kauta mai na turaga na kai Samaria ki na dua na bure ni vulagi, me rawa ni vakacegu ka vakabulabula kina. Ni bera ni biubiu na kai Samaria ena siga ka tarava, a soli lavo o koya vua na itaukei ni bure ka kaya, “Mo vakaraici koya.” A kaya na kai Samaria ni na lesu tale mai ena vica na siga kei na so tale na ilavo.
Luke 10:34–35
Ena icava ni talanoa, a taroga na loya o Jisu. O cei na wekana na tamata mavoa? Na bete, na Livai, se na kai Samaria? A kaya na loya ni sai koya ka a vakaraitaka na loloma vua na turaga—na kai Samaria. Sa tukuna o Jisu vua na loya me lako ka laki vakataki koya na kai Samaria.
Luke 10:36–37