Sa Vakabula o Jisu e Tini na Tamata Tauvi Vukavuka

Ni lako voli o Jisu, sa curu sara ki na dua na koro ka raica e tini na turaga ka tauvi ira tu na mate ca ni kuli ni yago ka vakatokai na vukavuka. O ira na tamata tauvi vukavuka ena yawaki ira na tamata kecega, o ira madaga na nodra matavuvale, ka kakua ni vakavuna na tauvimate ni tamata tale eso.

Luke 17:11–12

Era sa kaci ena domolevu na turaga vei Jisu me vakabulai ira. Sa tukuna vei ira o Jisu mera lako vei ira na bete ki na tauni. O ira walega na bete sa rawa ni navuca na nodra rawa ni tiko vata tale kei na so na tamata.

Luke 17:13–14; raica talega Na Tiko Mai na Lekutu 14:2–3

Ni ra sa lako na tini na tamata tauvimate vei ira na bete, a yaco e dua na cakamana. Sa takali tani na nodra mate. Era sa vakabulai!

Luke 17:14

Ni raica e dua vei ira na turaga ni sa vakabulai, sa vuki lesu ka vakavinavinaka vua na Kalou ena domo levu. Sa kai Samaria o koya.

Luke 17:15–16

Sa bale sobu na turaga ki na yavai Jisu me vakavinavinakataki Koya ena ka sa cakava. Sa taroga o Jisu evei na vo ni ciwa na turaga ka a vakabulai. Dua ga na turaga sa lesu mai me vakavinavinakataki Koya! Sa qai tukuna o Jisu vua na turaga, “Tu cake, mo lako ga: sa vakabulai iko na nomu vakabauta.”

Luke 17:16–19