RauCiqoma na Yalo Tabu o Konilio kei ira na Nona iTokani

O Konilio e dua na iliuliu ni sotia ni Roma. O koya kei iratou na nona matavuvale eratou vakabauta na Kalou, ia e ratou sega ni Jiu ka rau sega ni kilai Jisu Karisito. E wasea o Konilio na veika e sotava vei ira na dravudravua ka masu vakawasoma vua na Kalou.

Cakacaka 10:1–2

Ena dua na yakavi, ni a lolo ka masumasu tiko o Kolinio a lako mai e dua na agilosi. E kaya na agilosi, “Konilio, sa rogoci na nomu masu.” A raica na Kalou na nona yalovinaka. A kaya na agilosi vei Konilio me vaqara na iApositolo o Pita, ka tiko voli ena dua na koro levu ka vakatokai ko Jopa. Sa qai tukuna vei Kolinio na cava me na cakava o Pita.

Cakacaka 10:3–6, 30–32

Sa tukuna o Konilio vei iratou na nona dauveiqaravi na ka e tukuna na agilosi. A talai iratou i Jopa me kerei Pita me ratou laki sikovi koya.

Cakacaka 10:7–8

Mai Jopa a tiko o Pita ena dela ni vale ni masumasu. A viakana ka sa vakarau me kana, ka vakasauri na nona raica e dua na raivotu.

Cakacaka 10:9–10

Sa raica o Pita ni sa tadu sobu mai lomalagi e dua na siti levu, ka sinai kina na veimataqali manumanu kei na manumanu vuka kecega. Sa qai rogoca o Pita e dua na domo me na kania na manumanu oqori. Ia o ira oqo na manumanu era a sega ni vakatarai mera kania na Jiu. E kaya na lawa i Mosese ni ra sa tawasavasava. E sega ni via kania o Pita.

Cakacaka 10:11–14

E kaya na domo ni kevaka e sa vakasavasavataka na Kalou e dua na ka, e sega ni dodonu me vakatokai me tawasavasava. Sa tokaruataki vakatolu na raivotu. Sa qai vakananuma o Pita na kena ibalebale.

Cakacaka 10:15–17

Ena gauna oya, a tukuna vei Pita na Yalo ni tolu na tagane eratou vakasaqarai koya tiko. “Lako vata kei iratou,” e kaya na Yalotabu, “niu sa talai iratou mai.”

Cakacaka 10:16–21

Eratou lewe tolu na tamata dauveiqaravi nei Konilio. Eratou tukuna vei Pita me baleta na agilosi a raica o Konilio ka kerea ke na lako mai o Pita me laki vakavulici koya. O ira na Jiu era sega ni dau curuma na nodra itikotiko na tamata era sega ni Jiu, ka ra sega ni vakavulica vei ira na kosipeli na iApositolo. Ia ni nanuma tiko na nona raivotu, a nanuma o Pita me lako.

Cakacaka 10:22, 28

Ni yaco yani o Pita, sa waraki koya tiko o Konilio ena vuqa na itokani kei na lewe ni nona matavuvale. Sa tukuna vei Pita ni ra sa vakarau tu me ra rogoca na veika sa vakarota vua na Kalou me tukuna vei ira.

Cakacaka 10:26, 33

Sa qai kila o Pita na veika sa vakavulici koya tiko kina na Kalou ena raivotu. Sa tukuna o Pita vei ira na tamata ni Kalou e sega ni lomana e dua na matanitu se ilawalawa tamata mai na dua tale. Na Kalou e ciqoma na tamata kecega e muri Koya ka cakava na veika dodonu. E vakavulici Konilio kei na nona matavuvale kei na itokani o Pita me baleti Jisu Karisito.

Cakacaka 10:34–43

Ni veivakavulici, a lako mai na Yalo Tabu kivei ira kece era a vakarorogo tiko. E sureti ira o Pita mera papitaiso ena yacai Jisu Karisito. E kila o Pita nira kidavaki taucoko na luve ni Kalou ena Lotu i Jisu Karisito. A vunautaki na kosipeli i Jisu Karisito vei ira kece na tamata.

Cakacaka 10:44–48