2 Korinica 12:7–10
E Rawa ni Vakaukauwataka na Veika Malumalumu o Jisu.
Na lesoni nei Paula mai na dua na “wa vakavotona“
Na Apositolo o Paula e dua na dauveiqaravi cecere i Jisu Karisito. E vuqa na Nona ivakatakila ka vakavulici ira na tamata me baleta na iVakabula. Ia a tu talega vei Paula e vuqa na bolebole.
2 Korinica 12:7
Ena dua na ivola vei ira na lewe ni Lotu, e vakatauvatana o Paula na nona bolebole me votonikau ka lauta na yagona. Sa malumalumu sara kina o Paula.
2 Korinica 12:7
Vakatolu, a masu o Paula ka kerea vua na Turaga me kauta tani na nona bolebole. Ia a sega ni kauta tani na Turaga.
2 Korinica 12:8–9
Ia, a kaya na Turaga vei Paula ni tu Vua na kaukauwa me vakaukauwataki Paula. A vulica o Paula ni so na gauna e rawa ni dua na ka vinaka na bolebole kevaka eda na gole kina vua na Turaga ka kere veivuke. Nida vakila nida malumalumu, sa rawa ni vakaukauwataki keda o Jisu Karisito, kevaka sara mada ga e sega ni lako tani na noda bolebole.
2 Korinica 12:9–10