Luke 7: 36–50
Veivosoti vua e dua na Yalewa o Jisu
“Sa loloma vakalevu kina ko koya”
E dua na tagane na yacana o Saimoni a sureti Jisu me gole ki na nona vale me kana vata kei koya. O Saimoni e dua vei ira na ilawalawa iliuliu ka vakatokai na Farisi.
Luke 7:36
Ni rau kana tiko, a lako mai e dua na yalewa kina vale nei Saimoni. A rogoca o koya ni sa tiko e kea o Jisu. A vinakata me vakaraitaka na nona vakavinavinaka kei na loloma ena Vukuna.
Luke 7:37
A tagi na yalewa oqo ni sa raici Jisu. A vuya na Yavana ena wai ni matana. E qai quaraka na Yavana ena drau ni uluna. A reguca na Yavana ka lumuta ena ilumu.
Luke 7:38
A kila o Saimoni ni sa vuqa na nona ivalavala ca na yalewa oqo. A nanuma o koya kevaka sa tamata dina ni Kalou o Jisu, ena kila o Koya ni sa tamata ivalavala ca na yalewa oqo, ka na sega ni vakatara me tarai Koya.
Luke 7:39
A kila tu o Jisu na ka e veinanuyaka tiko o Saimoni. A kaya vei Saimoni ni a vuya na Yavana na yalewa oqo baleta ni lomani Koya. E kena ivakarau, e dau soli na wai vei ira na vulagi mera vuya na yavadra. A sega ni cakava o Saimoni e dua na ka vaka oya me vakaraitaka kina na nona lomani Jisu.
Luke 7:40–47
A tukuna o Jisu vua na yalewa oqo ni sa vosoti na nona ivalavala ca baleta ni lomani Koya ka vakabauti Koya. A tukuna vua ni sa rawa me lako o koya ena vakacegu.
Luke 7: 47–50