Maciu 8:23–27; Marika 4:36–41
Sa Vunauca na Cava o Jisu
Sa talairawarawa sara mada ga Vua na cagi kei na wasawasa
Ena dua na siga, eratou a vodo tiko ena waqa o Jisu kei na Nona tisaipeli ena Wasawasa e Kalili. A tekivu me liwa vakaukauwa sara mai na cagi. Sa tekivu caroba yani ki waqa na ua, ka vakasinaita ena wai. Ia, o Jisu a moce tu ena vakacegu.
Maciu 8:23–24
E ratou rere na tisaipeli. Eratou a qai vakayadrati Jisu. “Turaga, ni vakabulai keda,” eratou a tagicaka mai. Eratou a nanuma ni ratou sa na luvu ena wasawasa.
Maciu 8:25
“Dou sa rere ena vuku ni cava?” A taroga o Jisu. A tukuna vei iratou na tisaipeli ni ratou gadreva me levu cake na nodratou vakabauta. A qai tucake o Koya ka kaya ki na cagi kei na ua, “Mo cegu, mo maravu mai.”
Maciu 8:26; Marika 4:39
Vakasauri ga sa ruru na cagi, ka maravu sara na wasawasa. E ratou taqomaki o Jisu kei iratou na tisaipeli. E ratou kurabui na tisaipeli i Jisu. E ratou vakataroga se mataqali tamata cava e rawa ni vakarota na cagi kei na wasawasa, ka rau sa talairawarawa Vua!
Maciu 8:26–27