O Jisu Na iVakatawa Vinaka—"Sa rogoca na domoqu ko ira na noqu sipi, kau sa kilai ira"

Joni 10:1–18

O Jisu na iVakatawa Vinaka

"Sa rogoca na domoqu na noqu sipi, kau sa kilai ira"

E vosa tiko o Jisu vei ira na tamata e Jerusalemi.

A tukuna o Jisu vei ira na tamata e Jerusalemi nio Koya sa vaka edua na ivakatawa vinaka. O ira na Nona tisaipeli, se o ira na muri koya, era sa vakataki ira na Nona sipi. Na ivakatawa vinaka e lomani ira na nona sipi. E kila o Koya na yacadra yadua.

Joni 10:3, 14; raica talega na Ilamani 15:13

Na ivakatawa ni sipi e kacivi ira tiko na nona sipi.

Era kila na sipi na domo ni ivakatawa vinaka. Ni kacivi ira, era vakarorogo ka talairawarawa kina.

Joni 10:4, 27

Na ivakatawa ni liutaki ira tiko na nona sipi.

Na ivakatawa vinaka e dau maroroi ira na nona sipi. E liutaki ira kina veico drokadroka, me vaka ga na nona liutaki keda o Jisu Karisito kina bula tawamudu.

Joni 10:9–10, 28

Edua na tamata cakacaka sa biuti ira na sipi ka dro tani mai na veika rerevaki.

Ni dua tale e saumi me vakaraici ira na sipi, era sega ni muri koya, baleta nira sega ni kila na domona. Ni yaco mai na leqa, ena dro tani na tamata e saumi me cakacaka. E sega ni kauwaitaki ira na sipi me vaka edau cakava na ivakatawa vinaka.

Joni 10:5, 12–13

E taqomaki ira tiko na nona sipi na ivakatawa ni sipi.

Na ivakatawa vinaka e sega ni dau dro ni tiko na leqa. E dau tiko me taqomaki ira na Nona sipi. E lomasoli sara o Koya me solia na nona bula ena vukudra, me vaka ga a solia o Jisu Karisito na Nona bula ena vukuda meda rawata kina na bula tawamudu.

Joni 10:11, 17–18

E vakamacalataka tiko o Jisu nio Koya ena sikovi ira na Nona sipi tale eso e Amerika.

A kaya o Jisu vei ira na tamata e Jerusalemi ni tiko eso na Nona sipi ena veivanua tale eso. A kaya o Jisu ni na sikovi ira talega, ka na rogoca na Nona ivakavuvuli. Na iVola i Momani e tukuni kina na Nona a sikovi ira na Nona sipi e Amerika o Jisu.

Joni 10:16; 3 1Nifai 15:11–24