Jisōs Kraist Enaaj Bar Itok

Visōn eo an Jon kōn kōjatdikdik ilo Jisōs Kraist

Rijilōk Jon ekar wōr juon an visōn aorōk. Ekar lo Jisōs Kraist, eo ekar kwaļo̧k n̄an Jon elōn̄ men ko kōn etto im jekļaj. E ekar jiron̄ Jon n̄an je men ko ekar loi. Jisōs ekar jeļā Armej ro Rekwojarjar raar kajjion̄ ijo remaron̄e n̄an ļoor E. Jisōs ekar kōņaan bwe en wōr aer kōjatdikdik bwe E eļapļo̧k an kajoor jān nana eo ilo laļ in.

Revelesōn 1:1–2, 9–11, 13–15, 19; 2–3

Jemādwōj Ilan̄ kōn Pein ioon aeran Jisōs Kraist.

Ilo visōn eo, Jon ekar lo juon bok me ejjeļo̧k juon emaron̄ kar kōpeļļo̧ke. Innām Jon ekar lo juon lamb me ekar jutak kōn Jisōs Kraist; E emaron̄ kōpeļļo̧k bok eo. Jon ekar katak bwe m̧okta jān an laļ in kar ejaak, Jemādwōj Ilan̄ ekar kāālet Jisōs bwe en erom ad Rilo̧mo̧o̧r. Menin ekar m̧ōttan eo aorōk tata an karōk eo an Anij, im Jisōs wōt emaron̄ kar kōm̧m̧ane.

Revelesōn 5

Setan im juon kumi in ro nejin Anij ilo jetōb rej em̧m̧akūt jān lan̄.

Jon ekar barāinwōt lo juon tūraikōn me ej jutak kōn Setan. Setan ekar jab kōņaan karōk eo an Anij. Ekar jino juon tariņae ilo lan̄. Elōn̄ wōt ian ro nejin Jemādwōj Ilan̄ ilo jetob ekar wōr aer tōmak ilo Jisōs Kraist im kar kāālet n̄an ļoor E. Bōtaab jet iaer raar kāālet n̄an ļoor Setan. Kōn kāālet eo aer, raar aikuj in em̧m̧akūt jān lan̄.

Revelesōn 12:3–11

Juon kobaik in pija ej kwaļo̧k an ritariņae ro m̧aaj, armej ro rej pād ilo aikuj, im n̄ūta.

Jon ekar lo bwe Setan im ro rikaļooran raar wōnm̧aanļo̧k in ire ņae Jisōs im rikaļoor ro An ioon laļ in. Raar kajjion̄ in aujidi armej ro n̄an jab tōmak ilo gospel eo an Rilo̧mo̧o̧r. Ekar lōn̄ tariņae ko, kakkure, im nan̄inmej.

Revelesōn 6; 8–9; 12:17; 13:11–18; 17–18

Enjeļ Moronai ej tōl Josep Smith n̄an piliej gold ko.

Bōtaan Jemādwōj Ilan̄ ekar jilkintok enjeļ ro jān lan̄ ippān gospel eo an Jisōs Kraist, bwe en maron̄ in kwaļo̧k ippān jabdewōt ioon laļ in.

Revelesōn 14:6–7

Jet armej renaaj tōmak ilo Jisōs im kōjparok kien ko An, ilo aer kar kōm̧m̧ane ilo lan̄. Naan in kam̧ool eo aer kōn Jisōs enaaj jipan̄ er anjo̧ ilo tariņae eo ņae Setan.

Revelesōn 12:11; 19:8–10

Jisōs ej wanlaļtak jān lan̄, ippān enjeļ ro Itulikin.

Jon ekar lo bwe Jisōs Kraist enaaj bar itok n̄an laļ in. E enaaj erom Kiin̄ eo an aolepān laļ. Setan enaaj ejjeļo̧k an bar kajoor. Kōnke kōn Jisōs, ejjamin naaj bar lōn̄ būrom̧ōj im metak. Aolep armej ro me rej tōmak ilo Jisōs im kōjparok bujen ko Ippān naaj mour Ippān im Jemādwōj Ilan̄ n̄an indeeo.

Revelesōn 19:11–16; 20:1–2; 21:1–7