Korniliōs im Ro M̧ōttan rej Bōk Jetōb Kwojarjar

Korniliōs ekar juon ritōl n̄an ritarinae ro an Rom. E im baam̧le eo an rekar tōmak ilo Anij, ak ejjab er Ri ju im rekar jab jeļā kōn Jisōs Kraist. Korniliōs ekar jeeri ta ko ewōr ippān n̄an ro Rejeram̧ōl im jar n̄an Anij aolep iien.

Jerbal 10:1-2

Juon ālikin rālep, juon enjel ej itok n̄an Korniliōs ilo an jar im jitlok. Enjeļ eo ekar ba, “ Korniliōs, eṃōj roñjake jar eo aṃ.” Anij ekar loe an jouj. Enjel eo ej jiron̄ Korniliōs n̄an pukot Rijilōk Piter, eo im enaaj pād ilo juon jikin etan Joppa. Piter enaaj jiron̄ļok Korniliōs ta en kōm̧m̧ane.

Jerbal 10:3-6, 30-32

Korniliōs ej jiron̄ ro karejeran ta eo enjel eo ekar ba. Ekar jilkinļok er n̄an Joppa n̄an kajjitōk ippān Piter bwe en lo ļok E.

Jerbal 10:7-8

Ilo Joppa, Piter ekar pād raan m̧weo ej jar. E ekar kwole im jino tin m̧ōn̄ā, ak ekajju lo juon ettōnak.

Jerbal 10:9-10

Piter ekar lo juon ko̧o̧j ej wanlaļtak jān lan̄, eobrak kōn elōn̄ kain kidu im bao. Innām Piter ej ron̄ juon ainikien ej ba en m̧ōn̄āik mennin mour ko. Ak mennin mour kein RiJu rejjab maron̄ kan̄i. Kien Moses ej ba rettoon. Piter ekar jab kōņaan kan̄i.

Jerbal 10:11-14

Ainikien eo ej ba bwe n̄e Irooj ekar kōm̧m̧ane juon men bwe en erreo, jejjab aikuj ba ettoon. Kar āliji ettōnak eo jilu kōttan. Piter ekar kōļmenļokjen ta meļeļein.

Jerbal 10:15-17

Ej kab m̧ōj an Jetōb jiron̄ Piter bwe jilu em̧m̧aan rej pukote. “ ilọk ippāer ḷọk,” Jetōb ekar ba, “bwe Iar jilkinwōj er.”

Jerbal 10:16-21

Em̧m̧aan rein jilu rekar karejeran Korniliōs. Rekar jiron̄ Piter kōn enjel eo Korniliōs ekar loe im kajjitōk eļan̄n̄e Piter emaron̄ itok im katakini. RiJu rejjab kajoor deļon̄e m̧oko ejjab m̧on RiJu, im Rijilōk ro rekar jab katakin er kōn gospel eo. Ak ke keememej ettōnak eo an, Piter ekar etal.

Jerbal 10:22, 28

Ke Piter ej itaakļok, Korniliōs ekar kōttare ippān elōn̄ m̧ōttan im ro uwaan baam̧le eo an. E ekar jiron̄ Piter bwe rekar pojak n̄an ron̄jake jabdewōt men Anij ekar ba en jiron̄ er.

Jerbal 10:26, 33

Kiiō Piter emeļeļe ta eo Anij ekar katakin e ilo ettōnak eo an. Piter ekar jiron̄ er bwe Anij ejjab iakwe juon laļ ak kumi in armej eļapļok jān jet. Anij ej bōk jabdewōt ej itok n̄an E im kōm̧m̧ane men eo ejim̧we. Piter ej katakin Korniliōs im baam̧le eo an im ro m̧ōttan kōn Jisōs Kraist.

Jerbal 10:34–43

Ilo an katakin, Jetōb Kwojarjar ekar itok n̄an aolep ro rekar keron̄jake. Piter ekar karuwaineneik er n̄an peptaij ilo etan Jisōs Kraist. Piter ekar katak bwe aolep ro nejin Anij rej ruwainene n̄an itok n̄an Kabun̄ eo an Jisōs Kraist. Kar kwaļok gospel eo an Jisōs Kraist n̄an aolep armej.

Jerbal 10:44-48