Jisōs Ekar Ajeļok Mour eo An N̄an Kōj—Juon joortak n̄an lo̧mo̧o̧ren kōj jān jerawiwi im mej

Matu 27; Luk 23; Jon 19

Jisōs Ekar Ajeļok Mour eo An N̄an Kōj

Eaar itok im̧ lo̧mo̧o̧ren kōj jān jerawiwi im mej

Ritarinae ro rej likit ņae ioon bōran Jisōs juon wūt kālōklōk.

Ālikin an Pailat kāālet bwe Jisōs en debwāāl, E ekar jirōn̄ ritarinae ro an bwe ren bōke Jisōs. Rekar den̄ļoke E, Kapiloiki E, likit juon wūt kālōklōk ņa ioon Bōran, im kajirere kake E.

Mark 15:15-20

Jisōs ej ineek juon debwāāl kōm̧m̧an jān aļaļ elukkuun eddo.

Ritarinae ro rekar kōm̧m̧an bwe Jisōs en ineek juon debwāāl kōm̧m̧an jān aļaļ elukkuun eddo. Rekar bōke E n̄an juon jikin nabōj in Jeruselem etan Golgota.

Jon 19:17

Ritariņae ro rej dilaik Jisōs ņa ioon debwāāl eo.

Ritariņae ro rej dilaik pein im neen Jisōs ņa ioon debwāāl eo. Jisōs ekar kajjitōk ippān Jemen Ilan̄ bwe en jeorļok an ritariņae ro bōd, kōnke rekar jab jeļā ke rej debwāāle Nejin Anij.

Luk 23:33-34; barāinwōt lale ukook eo an Josep Smith ilo kakememej eo 34c

Jarlepju eo ej reilok n̄an Jisōs im ruo rinana em̧ōj debwāāle er.

Ruo rinana rekar debwaal ippan Jisos raan eo Juon iaer ekar ba n̄an E, “Eḷaññe Kwe ri Kraist, kwōn make lọmọọrōṃ im kōmro.”

Luk 23:39

Jisōs ej kōnnaan ippān juon iaan rinana ro.

Rinana eo juon ekar ba ejim̧we aer m̧an erro, ak Jisōs ejjeļok bōd ekar kōm̧m̧ane. E ekar kajjitōk ippān Jisōs bwe en keememej e ilo Aelon̄ eo An. Jisōs ekar ba n̄an e bwe ejjab too renaaj ippān doon ilo laļ eo an Jetōb.

Luk 23:40-43

Jisōs ej jiron̄ ļo̧k Jon n̄an lale Jinen.

Elōn̄ kōrā im rekar ļoor Jisōs rekar itok n̄an ijo ej debwāāl ie im pād Ippan. Juon iaan kōra rein ej jinen Jisōs, Mede. Jisōs ekar loe im jiron̄ Jon, juon iaan Rijilōk ro An, bwe en kab lale jinen.

Jon 19:25-27; bar lale Luk 8:1-3; Mark 15:40-41

Ium̧win jilu awa, marok lep eaar kalibubuik ene eo. Jisōs ekar en̄jake an lukkuun ajimakeke. E ekar en̄jake āinwōt Jemen Ilan̄ ekar etal jān E.

Matu 27:45-46

Āliktata, Jisōs ekar jeļā E ekar dedeļok An en̄taan. E ekar ba, “Jema, ejem̧ļok, an kilaam̧ ededeļok.” Innām Jisōs jirlok im kōtļok mour eo An. N̄an lale bwe elukkuun jako, juon ritariņae ej dibōj Katin kōn juon made.

Josep Smith Ukook, Matu 27:54 (ilo Matu 27:50, footnote a); Jon 19:28-30,34

Rōn̄el nuknuk in tampeļ eo epotak n̄an ruo m̧ōttan.

Ke Jisōs ekar mej, laļin ekar m̧akūtkūt. Dekā rekar rub im dipdikdik. Rōn̄el nuknuk in tampeļ eo, nuknuk in pinej ijo ekwojarjar tata ilo tampeļ eo, ekar potak n̄an ruo m̧ōttan.

Matu 27:51

Ritariņae ro rej lale Jisōs rekar mijak.

Ritariņae ro rekar mijak. “E ṃool, E in Nejin Anij,” rekar ba.

Matu 27:54

Jinen Jisōs im Rikaļoor ro An rekar likit Anbwinnin n̄an ilo lōb eo.

Rikaļoor ro an Jisōs rej kūtimi Ānbwinnin ilo juon nuknuk im likit E ilo juon lōb ilo juon jikin kallib. Tok ālik, rekar kadāpil juon deka ekilep n̄an mejen kōjem in lōb eo.

Matu 27:57-61; Jon 19:38-41