Paul im Sailas

Lo̧mo̧o̧ren jān menin bwilōn̄ ko an Irooj

Irooj ekar kūr Paul im Sailas n̄an kwaļok kōn gospel eo ippān doon. Rekar ito-itak n̄an elōn̄ jikin kweilok ko n̄an lale ejet an Kabun̄ ko pād.

Jerbal 15:40-41; 16:4-8

Juon bon̄, ilo juon ettōnak, Paul ekar lo juon em̧m̧aan jān Masedonia ej ba en itok n̄an jikin kweilok eo ej pād ie. Paul im Sailas rekar kajju em̧m̧akūt. Rekar jeļā bwe Anij ekōņan bwe ren etal.

Jerbal 16:9-10

Paul im Sailas rej kwaļok naan n̄an juon kōrā etan Lidia.

Ke rekar tōparļok Masedonia, juon kōrā etan Lidia ej rōn aer katakin. Irooj ekar kōpeļļok būruon Lidia. Liin ekar tōmak ta eo Paul ekar katakin im ekar peptaij.

Jerbal 16:13-15

Lidia ej jiron̄ Paul im Sailas bwe remaron̄ pād ilo m̧weo m̧ōn.

Lidia ekar jiron̄ Paul im Sailas bwe remaron̄ pād ilo m̧weo m̧ōn ilo aer pād ijo.

Jerbal 16:15

Armej rej bōk Paul im Sailas n̄an jikin wia eo.

Ak ekar jab em̧m̧an aolep ke Paul im Sailas rekar pād ijo. Jet armej rekar jab em̧m̧an ippāer ta ko rej katakin kaki. Rekar bōk Paul im Sailas n̄an jikin wia eo im jiron̄ ritel ro an jikin kweilok eo ke rej kōm̧m̧an pok.

Jerbal 16:16-21

Armej rekar illu ippān Paul im Sailas. Ritel ro an jikin kweilok eo rekar kekeel nuknuk ko an Paul im Sailas.

Jerbal 16:22–23

Rej likit Paul im Sailas n̄an jikin kalbuuj.

Innām Ritel ro an jikin kweilok eo rekar joļok Paul im Sailas n̄an jikin kalbuuj eo. Rekar kabij neir im leļok juon n̄an baare er.

Jerbal 16:23–24

Ekar mejal to kalbuuj ko jān Paul im Sailas.

Bon̄in eo, Paul im Sailas rekar jar im al naan im wūjtake Anij im ri kalbuuj ro rekar roñjake er. Innām, laļ ekar jino an m̧akūtkūt. Kōjām otemjej rekar peļļok, im aolep to in kalbuuj rekar mejal.

Jerbal 16:25–26

Paul ekar jiron̄ ļo̧k ri lale m̧ōn kalbuuj eo bwe en jab inebata.

Ri lale m̧ōn kalbuuj eo ekar ruj im lo kōjāām ko aer peļļo̧k. E ekar ļōm̧nak bwe rikalbuuj ro rekar ko im enej pād ilo jorreen bwe ekar kōtļok er. Paul ekar jiron̄ ļok ri lale m̧ōn kalbuuj eo bwe en jab inebata. Aolepen rikalbuuj ro rekar pād wōt ijo.

Jerbal 16:27–28

Paul ekar jiron̄ ri lale m̧ōn kalbuuj eo bwe en tōmak ilo Jisōs Kraist.

Ri lale m̧ōņ kalbuuj eo ekar mijak. E ekar juubkwe turin Paul im Sailas im ba, “ ta eo in kōṃanṃane bwe in mour?” Rekar ba, “Kwōn lōke Irooj Jisōs.”

Jerbal 16:27-31

Paul im Sailas rej katakin gospel n̄an ri lale m̧ōn kalbuuj eo im baam̧le eo an.

Paul im Silas rekar katakin ri lale m̧ōn kalbuuj eo im baam̧le eo an gospel eo. Ri lale m̧ōn kalbuuj eo ekar lale kinej ko an Paul im Sailas. Bon̄in eo ri lale m̧ōn kalbuuj eo im baam̧le eo an rekar peptaij.

Jerbal 16:32–33