Setan Ej Kapo Jisōs

Ālkin peptaij eo An, Jisōs eaar ilo̧k n̄an āne jem̧aden n̄an pād ippān Anij. E eaar jab m̧ōn̄ā ium̧win 40 raan. E eaar jitļo̧k im jar n̄an keppopo n̄an mijen eo An.

Matu 4:1-2; lale ukook eo an Josep Smith ilo kein kakememej ko 1b im 2c

Jisōs eaar lukkuun kwole. Setan eaar itok im kapoiki E. E eaar ba bwe n̄e Jisōs ej Nejin Anij, E emaron̄ ukōt dekā n̄an pilawe. Jisōs eaar jab kōm̧m̧ane. Jisōs eaar kenono jān jeje ko n̄an kwaļo̧k ke ej mour jān naan ko an Anij, ejjab pilawe wōt.

Matu 4:2–4

Innām Jetōb Kwojarjar eaar bōkļo̧k Jisōs n̄an ioon tampeļ eo. Setan eaar kapoik Jisōs n̄an kelo̧k. Tepiļ eo eaar ba bwe eļan̄n̄e Jisōs eaar Nejin Anij, enjeļ ro repan kar kōtļo̧k bwe E en metak. Jisōs eaar jab kelo̧k. E eaar ba n̄an Setan bwe jeje ko rej ba bwe jejjab kapoik Irooj ad Anij.

Matu 4:5-7; lale ukook eo an Josep Smith ilo kein kakememej ko 5a im 6a

Innem Jetōb Kwojarjar eaar bōk ļo̧k Jisōs n̄an lōn̄ in juōn toļ. Jān ijin, Jisōs eaar maron̄ lo aelōn̄ in laļ otemjej. Setan eaar itok im ba bwe enaaj leļoki n̄an Jisōs aelōn̄ in laļ otemjej eļan̄n̄e enaaj kabun̄ n̄an e.

Matu 4:8-10; lale ukook eo an Josep Smith 8a

E eaar ba n̄an Setan bwe jeje ko rej ba bwe jejjab kapoik Irooj ad Anij. Jisōs ej Jiron̄ Setan n̄an ilo̧k. Jisōs eaar etal n̄an Galili n̄an katakin gospel eo An. E eaar obrak kōn kajoor eo an Jetōb Kwojarjar.

Luk 4:13–14