Jisōs ej Kwaļo̧k kōn Mijen eo An

Jisōs eaar etal n̄an Nazeret, ijo baam̧le eo An im ro m̧ōttan rej jokwe ie. Eaar juon jikin E eaar ruttoļok ie. Ilo raan in Jabōt, E eaar etal n̄an im̧ōn kweilok eo, ijo armej rej etal im katak jeje ko im kabun̄jar n̄an Anij.

Luk 4:16–17

Ilo im̧ōn kweilok eo, Jisōs eaar jutak im riiti jeje ko jān rikanaan Aiseia. Jeje ko raar bwe juon raan juon Rilo̧mo̧o̧r enaaj itok. E enaaj kwalok kōn gospel eo n̄an ro rettā im ro erup būrueir. E enaaj jipan̄ ro repilo im ro remetak.

Aiseia 61:1-2; Luk 4:17-19

Jisōs eaar dedeļok an riit im jijōt. Aolep rekar reilo̧k n̄an E. E eaar jiron̄ er ilo ejja raan eo ke, jeje ko E eaar riit raar kūrm̧ool. E eaar Rilo̧mo̧o̧r eo.

Luk 4:21

Armej in Nazeret raar lukkun ilbōk kōn ta eo Jisōs eaar ba. Etke Jisōs ejaam̧ Rilo̧mo̧o̧r eo? Raar ļōm̧nak E eaar nejin Meri im Josep, ejjab Nejin Anij. N̄an er, E eaar armej bajjōk rani.

Luk 4:22

Jisōs eaar jeļā ke armej ro rekar kōņaan bwe en kōm̧m̧ani mennin bwilōn̄ ko n̄an kwaļo̧k ke E ej Rilo̧mo̧o̧r eo. E eaar katakin bwe mennin bwilōn̄ ko rej n̄an ro rej tōmak, im jet iien Anij eaar kwaļo̧k mennin bwilōn̄ ko n̄an ro rejjab riIsrael bwe eļapļo̧k tōmak ko aer. Jet iaan armej rein ilo im̧ōn kweilo̧k eo raar lukkuun illu ippān Jisōs.

Luk 4:23–28

Raar kadiwōjļo̧k E jān jikin kweilo̧k eo ļo̧k im ioon juon toļ. Raar kōņaan joļo̧k e jān toļ in.

Luk 4:28–29

Ak Jisōs eaar etal jān armej ro rellu.

Luk 4:30

Kōnke raar dike ilo Nazeret, Jisōs eaar etal n̄an bar juon jikin kweilok n̄an katakin.

Luk 4:31–32