Jisōs ej Kāālet Rijilōk ro An

Juon raan, armej raar itok n̄an Lom̧aļo̧ in Galili n̄an ronjake an Jisōs katakin. Jisōs ej katakin er jān juon waan eo̧n̄od ilo aer ron̄jake ioon kappe. Wa eo eaar waan juōn em̧m̧aan kar etan Saimōn.

Luk 5:1-3

Ke eaar dedeļok an Jisōs katakin, E eaar kajjitōk bwe Saimōn en bōk wa eo waan n̄an ijo em̧wilaļ. E eaar jiron̄ Saimōn bwe en joļok ok eo an n̄an kojek jet ek. Saimōn eaar ba bwe eto an eo̧n̄od jān bon̄ ak ejjan̄in wōr koņan. Ak kōnke Jisōs eaar kajjitōk, ej aikuj bar kajjion̄.

Luk 5:4–5

Saimōn eaar kojek bwijin ek ke etal im rup ok eo an! E eaar ikkūr ļo̧k n̄an ro jet mōttan ilo wa eo juon n̄an jipan̄. Ejjab to wa ko jim̧or raar obrak kōn ek, raar jino aer douj. Pita im ro mōttan raar bwilōn̄!

Luk 5:6–7, 9

Saimōn eaar bukwelōlō im̧aan mejān Jisōs. E eaar ba, “ña armej e nana, O Irooj.” E eaar jeļā bwe Jisōs jilkintok jān Anij. Jisōs eaar jiron̄ ļo̧k e bwe en jab mijak.

Luk 5:8

Jisōs ej karuwaineneik Saimōn, eo jein Andrew, im ro m̧ōttan, Jemes im Jon, n̄an ļoor E. Ijellokin ri eo̧n̄od ek, renaaj jipan̄ armej itok n̄an Jisōs.

Mark 1:16–17; Luk 5:10–11

Saimōn, Jemes im Jon rej em̧m̧akūt jān waan eo̧n̄od ko waer im erom Rijilōk an Jisōs. Tok ālik, Jisōs eaar leļo̧k n̄an Saimōn et eo Pita. Juon rijilōk ej juon rikam̧ool eo ejenoļo̧k an Jisōs Kraist. Jisōs eaar kūr 12 em̧m̧aan bwe ren An Rijilōk. E eaar jar n̄an jeļā wōn ro Enaaj kūr er. E eaar ļeļok n̄an Rijilōk ro An mālim eo an priesthood n̄an tōl Kabun̄ in.

Matu 10; Luk 6:12-16; 9:1-2

Kōnke kajoor an Anij epād ippān Rijilōk ro, remaron̄ kar barāinwōt kemour ro renan̄inmej, bar kemour ro rekar ilok jān mour in, im kōm̧m̧an mennin bwilōn̄ ko.

Matu 10:8

Jisōs ej jilkinļok Rijilōk ro an n̄an elōn̄ jikin ko n̄an katakin armej kōn gospel eo An. E eaar ba bwe Jetōb Kwojarjar enaaj jipan̄ er jeļā ta ren ba. Jisōs eaar bwe jet armej renaaj dike ta ko rej katakin, ak ilo aer tiljek ilo jerbal in, Anij enaaj pād ippāer.

Matu 10:5-7, 19-22