Jisōs, Juon kōrā, im juon Aebōj-laļ

Jisōs im rikaļo̧o̧r ro an raar etal n̄an Sameria ilo ial eo aer ļok n̄an Galili. Raar bōjrak n̄an daak dān ilo juon aebōj-laļ. Ke Jisōs ej kakije ijin, Rikaļo̧o̧r ro an raar etal im wia m̧ōn̄ā.

Jon 4:3–8

Juon kōrā jān Sameria eaar itok n̄an aebōj-laļ eo n̄an tein̄i nien dān eo an. Jisōs eaar kajjitōk ippān n̄an lelo̧k Nimen dān. Kōrā eo eaar bwilōn̄. Jisōs eaar juon ri ju, im eitin aolep ri ju rejjab kōnono n̄an ri Sameria ro.

Jon 4:7-9

Jisōs eaar jiron̄ e bwe armej ro rej idaak jān aebōj-laļ eo renaaj bar maro. Ak E emaron̄ leļo̧k n̄an e “dān in mour” an mour indeo, im ejamin bar maro. Kōrā eo eaar ba ekōņaan jidik in ”dān in mour.”

Jon 4:10-14

Jisōs ej jiron̄ kōrā in n̄an kūrļo̧k ļeo pāleen. “Ejjeḷo̧k ḷeo pāleō,” liin eaar ba. Jisōs eaar jiron̄ļo̧k liin ke ilo mour eo an eaar wōr ļalem pāleen em̧m̧aan, im em̧m̧aan eo eaar jokwe ippān eaar jab pāleen.

Jon 4:16–18

Kōrā eo eaar bwilōn̄ ke Jisōs eaar jeļā men ko kake e. Kōrā eo eaar ba bwe eaar jeļā ke juon Rilo̧mo̧o̧r enaaj kar itok. Jisōs ej ba n̄an e ke E ej Rilo̧mo̧o̧r eo.

Jon 4:19, 25-26

Kōrā eo likit nien dān eo nimen ilo aibōj-laļ eo im etal n̄an jikin kweilok eo. E eaar ba n̄an elōn̄ armej ke em̧ōj an loe Rilo̧mo̧o̧r eo. E eaar karuwaineneik tok er n̄an itok im ron̄jake An kwaļok. Kōn kōrā in, elōn̄ ri Sameria raar tōmak ilo Jisōs Kraist.

Jon 4:28-29, 39-42