Paul ej Keidi Kabun̄ eo n̄an Ānbwinnin Kraist—Katakin kōn menin letok ko ilo jetōb, bōro kuk, im iakwe erreo

1 Korint 12–13

Paul ej Keidi Kabun̄ eo n̄an Ānbwinnin Kraist

Katakin kōn menin letok ko ilo jetōb, bōro kuk, im iakwe erreo

Paul ej je juon leta, ippān armej in Korint ro ilo iturlik.

Korint ekar juon jikin kweilo̧k eļap, epoub. Elōn̄ ro uwaan Kabun̄ eo an Jisōs Kraist raar jokwe ijo. Bōtaab raar aolep jān jikin ko kajojo im raar lukkuuk oktak jān doon. Paul ekar kōņaan jipan̄ er bōro kuk im lo em̧m̧an eo ilo er kajjojo. Kōn menin ekar je juon leta n̄an er.

1 Korint 1:11–13

Armej ro ilo Korint kōn menin letok ko rooktak jān doon jān Anij.

Ilo leta eo an, Paul ekar jiron̄ Armej ro Rekwojarjar bwe enaaj wōr aer menin letok ko raorōk jān Anij. Jet armej ekar wōr aer menin letok eo an tōmak. Ro jet ekar wōr aer menin letok eo an kōm̧m̧an kabwilōn̄lōn̄ ko. Jet raar māletlet, im jet raar maron̄ kemour ro jet. Jet armej raar maron̄ ekōnono kajin ko jet. Aolep Armej ro Rekwojarjar ekar wōr aer menin letok ko rooktak jān doon, bōtaab er aolep raar itok jān Anij.

1 Korint 12:3–11, 29–30

Paul ekar katakin bwe jekdo̧o̧n ta Armej ro Rekwojarjar raar oktak jān doon, tōmak eo aer ilo Jisōs ekar bōktok er ippān doon. Ke raar jokāālet n̄an ļoor katak ko an Jisōs, kar peptaij, im kobaļo̧k ilo Kabun̄ eo An, raar erom juon kumi, bōro kuk ilo Jisōs Kraist.

1 Korint 12:27

Ruo armej ninikoko ki pilawe eo; ruo armej rej etetal ippān doon; juon m̧am̧a im ajri ro nejin.

Paul ekar ba bwe Kabun̄ eo ej āinwōt juon ānbwin, kōn juon bar, pā ko, im ne ko. Aolep m̧ōttan ko an ānbwin eo rej kōm̧m̧ani men ko rooktak. Lo̧jilin̄i eo ejjab aikuj nana an mour kōnke ej oktak jān māj eo. Im bar eo ejjab maron̄ ba n̄an ne eo, “Ijjab aikuji eok.” Kajjojo m̧ōttan ej aorōk, im er aolep rej jerbal ippān doon.

1 Korint 12:12–14

Armej ro ilo Korint raar koba ippān doon.

Paul ekar ņa etan Armej ro Rekwojarjar ilo Korint “ānbwinnen Kraist.” Ekar kōņaan bwe ren jerbal ippān doon āinwōt m̧ōttan ko rooktak an juon ānbwin, kōjerbal menin letok ko aer rooktak jān doon n̄an jipan̄ im kōjeraam̧m̧an don.

1 Korint 12:15–27

Paul ej je juon leta, Jisōs ej leļo̧k pilawe n̄an juon em̧m̧aan

N̄an kōm̧m̧ane menin, armej ro raar aikuji juon kain iakwe elukkuun jenolo̧k, kar ņa etan iakwe eo em̧ool. Ej iakwe eo an Jisōs Kraist n̄an aolep. Paul ekar ba wōr iakwe eo em̧ool ej meļeļe in kijenmej ippān ro jet, jekdo̧o̧n n̄e rej jab jouj. Ej meļeļe in jab lāj, ļōmņak kōn eok make, ak ebbanban. Ej meļeļe in iakwe m̧ool eo im wōr kōjatdikdik.

1 Korint 13:1–7; Moronai 7:47

Juon em̧m̧aan ej leļo̧k pilawe n̄an juon kōrā.

Paul ekar jiron̄ļo̧k Armej ro Rekwojarjar ilo Korint bwe iakwe eo em̧ool eto an pād. Jekdo̧o̧n ta menin letok ko jet emaron̄ wōr ippād, jej aolep aikuj in bōk iakwe eo em̧ool. Jabdewōt iaad emaron̄ bōk iakwe eo em̧o̧ol eļan̄n̄e jej kajjitōk ippān Jemādwōj Ilan̄ kake kōn aolepān būruōd im kajjion̄ in erom juon rikaļool em̧ool an Jisōs Kraist.

1 Korint 13:1–3, 8; Moronai 7:48