Bwebwenato ko an Jeje ko Rekwojarjar
Jisōs ej Kōjeplaaktok Lazerōs n̄an Mour—“N̄a jerkakpeje eo, im mour eo”

Jon 11:1–46

Jisōs ej Kōmour Lazarus

“N̄a jerkakpeje eo, im mour eo”

Meri, Marta, im Lazerōs.

Meri, Marta, im Lazerōs raar jokwe ilo juon jikin kweilo̧k kar ņa etan Bethany. Raar tōmak ilo Jisōs, im E ekar iakwe er. Meri im Marta raar kōrā ro jein im jatin Lazerōs.

Jon 11:1, 5

Lazerōs ej nan̄inmej.

Lazerōs eaar jino an lukkuun nan̄inmej. Jisōs ekar pād ilo bar juon jikin kweilo̧k. Meri im Marta raar jilkinļo̧k n̄an E juon ennaan n̄an kōnanik E eo M̧ōttan ekar nan̄inmej.

Jon 11:1–3

Jisōs ej ba bwe E naaj kōjepļaaktok Lazerōs n̄an mour.

Jisōs ekar kōttar ruo raan. Innām E ekar jiron̄ļo̧k rikaļoor ro An bwe ren etal n̄an Bethany. Rikaļoor ro raar inepata kōnke jet iaan armej ro repaake Bethany raar kōņaan kakkure Jisōs. Bōtaab Jisōs ekar kōņaan jipan̄ Lazerōs. Jisōs ekar ba bwe Lazerōs em̧ōj an mej kadede, im E enaaaj kōjepļaaktok E n̄an mour.

Jon 11:6–16

Marta ej iioon Jisōs.

Marta ekar iioon Jisōs itulikin jikin kweilo̧k eo. Liin ekar ba bwe eļan̄n̄e Jisōs en kar em̧m̧akōjļo̧k, Lazerōs eban kar mej. Jisōs eaar kallim̧ur bwe Lazerōs enaaj bar mour.

Jon 11:17–24

Marta ej kōnono ippān Jisōs.

Jisōs eaar ba, “N̄a jerkakpeje eo, im mour eo.” E eaar kajjitōk ippān Marta eļan̄n̄e liin ekar tōmak E. Liin ekar ba, “Iar tōmak bwe Kwe ri Kraist, Nejin Anij.”

Jon 11:25–27

Marta, Meri, im Jisōs

Marta ekar bar jepļaakļo̧k n̄an m̧weo im jiron̄ Meri bwe Jisōs ekar itok. Meri ekar itok im wōtlo̧k ilo neen Jisōs, jan̄ kōn ļeo jein im jatin. Jisōs ekar bar jan̄. E ekar iakwe Lazerōs, Meri, im Marta.

Jon 11:28–36

Jisōs ej etal n̄an lōb eo ijo kar kalbwin Lazerōs ie.

Jisōs, Marta, Meri, im ro jet raar ilo̧k n̄an lōb eo ijo kar kalbwin Lazerōs ie. Juon dekā eļap ekar kalbubuik ijo epeļļo̧k. Jisōs ekar ba kōm̧akūtļo̧k dekā eo.

Jon 11:38–39

Jisōs ej kajjitōk ippān Marta n̄an tōmak ilo E.

Bōtaab Marta ekar jiron̄ JIsōs bwe Lazerōs ekar m̧ōj an mej de emān raan ko. Jisōs ekar kakeememej Marta kōn kallim̧ur eo An. E ekar kajjitōk ippān liin n̄an tōmak.

Jon 11:39–40

Jisōs ej jiron̄ Lazerōs n̄an waļo̧ktok.

Innām Jisōs ekar jar n̄an Jemān. E ekar kam̧m̧oolol Anij kōn aolep iien ron̄jake E. Jisōs ekar kōņaan bwe armej ro ren tōmak bwe Anij ekar jilkintok E n̄an erom̧ Rilo̧mo̧o̧r eo. Innām Jisōs ekar ikkūrļo̧k “Lazerōs, kwōn itok.”

Jon 11:41–43

Lazerōs ej etetal nam̧ōj tak jān lōb eo.

Lazerōs ekar etetal nam̧ōj tak jān lōb eo. Ekar pād wōt ilo nuknuk ko im kil ko kar kitim e kaki ke kar kalbwin e. Jisōs ekar jiron̄ armej ro n̄an jojān men ko kar kitim e kaki. Elōn̄ wōt iaan armej ro rej alooj ilo raan jab eo kiiō kar tōmak bwe Jisōs em̧ool ekar Rilo̧mo̧o̧r eo.

Jon 11:44–45