Jisōs ilo Getsemane

Jisōs im Rijilōk ro rekar etal n̄an jikin kallib Gethsemane. Jisōs ekar kajjitōk ippān Pita, Jemes im Jon n̄an ļoor E im jiron̄ ro jet bwe ren kōttar.

Matu 26:36-37; Jon 18:1

Jisōs ekar jiron̄ Pita, Jemes, im Jon bwe E ekar lukkuun en̄jake an būroṃōj. E ekar kajjitōk ippāer bwe ren emmej Ippan ilo An jar.

Matu 26:38

Innām Jisōs ekar etal ettoļo̧k wōt bwiļōn ļok jikin kallib eo. E ekar jino en̄taan kōn jerawiwi ko ad bwe jen maron̄ ukweļok im jeirļok ad bōd. Jisōs ekar barāinwōt en̄jaake aolep ad metak, nan̄inmej, im būrom̧ōj bwe E en maron̄ jeļā kilen jipan̄ kōj. E ekar kōm̧m̧ane menin kōnke E ej iakwe kōj. Aolepen men kein rekar m̧ōttan karōk eo an Jemedwōj Ilan̄.

Matu 26:39; Luk 22:41; Rom 3:23; Alma 7:11-13; 3 Nipai 27:19

En̄taan eo an Jisōs ilo Getsamene ekar lukkun kōmetak jon̄an E ekar kajjitōk ippān Jemedwōj Ilan̄ eļan̄n̄e emaron̄ bōke jān E. Ak ekar kōņaan kōmmane ta eo Jemen aikuji bwe E en kōm̧m̧ane. E ekar ba, “a en jab ankil Aō a Aṃ wōt.”

Luk 22:42

Jisōs ekar etal n̄an ippān Pita, Jemes, im Jon im lo bwe rej kiki. E ekar karuj er im bar kajjitōk ippāer bwe ren emmej im jar. Ak E ekar jeļā bwe men̄e rekar kōņaan emmej, rekar lukkun mōk.

Matu 26:40–41

Jisōs ekar bar jar. Juon enjeļ ekar itok n̄an kōkajoor E. E ekar en̄jaake eļap metak, im E ekar kōļapļok An jar. E ekar menokadu kōn bōtōktōk n̄an laļ.

Matu 26:42; Luk 22:43-44; Mosaia 3:7; Katak im Bujen ko 19:16-19

Bar ruo alen Jisōs, ekar etal n̄an ippān Pita, Jemes, im Jon im lo aer kiki. Āliktata, E ekar karūj er, kōnke iien eo ekar epaaktok n̄an aer bōk E.

Matu 26:43-46