Pedped ioon Jisōs Kraist n̄an Lo̧mo̧o̧r

Armej ro jān elōn̄ jikin ko jet raar kobatok ilo Kabun̄ eo an Jisōs Kraist. Ro uwaan Kabun̄ in kar ņa etaer Armej ro Rekwojarjar.

Rom 1:7

Jet iaan Armej ro Rekwojarjar raar Riju im raar ļoor wōt kien Moses. Ro jet raar jab. Raar jab errā kōn eļan̄n̄e raar aikuj in ļoor kien Moses.

Rom 2:14–15, 23–29

Paul ekar jeļā bwe Armej ro Rekwojarjar ekar wōr kajjitōk kein ippāer. Ekar je juon leta n̄an Armej ro Rekwojarjar ilo Rom. Ekar jiron̄ er bwe ejjeļo̧k juon emaron̄ in lo̧mo̧o̧r kōn baj kajjion̄ wōt ļoor kien Moses. Aolepād wōj jej jerawiwi, ekar kōmeļeļeik. N̄anbōk lo̧mo̧o̧r, aolep rej aikuj in wōr tōmak ilo Jisōs Kraist im ļoor E.

Rom 3:20–23

Paul ekar katakin bwe Anij ekar jilkintok Jisōs Kraist n̄an bōk ioon Make jerawiwi ko ad. Kōnke kōn katok eo an Jisōs, jemaron̄ ukweļo̧k im jeorļo̧k jerawiwi ko ad.

Rom 3:24–31

Paul ekar katakin bwe Jisōs Kraist ej letok n̄an kōj menin letok an jeorļo̧k bōd im kajoor eo n̄an kōm̧m̧ani men ko rem̧m̧an. Menin letok in em̧m̧an kar ņa etan jouj eo an Jisōs Kraist, im ej kobrak kōj kōn kōjatdikdik im lan̄lōn̄. Paul ekar ba bwe n̄e jej peptaij, āinwōt kar Jisōs, ej āinwōt n̄e jej jino juon mour kāāl āinwōt juon rikaļoor an Jisōs.

Rom 5:1–11; 6:3–6